السلام عليكم
يالليل ماذكر فـي حياتـي تمنيـت
مثل ابتسامه تنتشل قلب منصـاب
مليت ورب البيـت يالليـل مليـت
من الجروح اللى تجيني بلا اسباب
تدري ياليل اني على الجرح غنيت
غنيت دمعه والصدى ضم الاهـداب
تبي الحقيقه والصراحـه ترجيـت
فرحه ولكن الزمـن بالعطـا خـاب
يالليل قلي بدنيتي ويـش سويـت
حتى الهموم بداخلي تفتـح ابـواب
إن كان طيبي عيب ومشكلتي اوفيت
اموت صادق وارفض اعيش كذاب