.
اقتباس:
|
المشاركة الأصلية كتبت بواسطة مطلق النومسي
اخواني في هذا الصرح الشامخ
يشرفني ان اعود اليكم بعد انقطاع طويل وذلك بسبب الظروف
وارجوا ان تعذروني على هالغياب
واليوم انا بينكم واوعدكم بان كل جديد سوف يكون حصري لويلان
وهذه القصيده اهداء لمحمد المقبل ( ابو ساره ) ....
سلام يادوحة قطر والنظر فوق = وانا وراء حد النظر وانظريني
جيتك وانا اشيل الغلا طاق مطبوق = ليتك تحسين بغلاك وتجيني
ماأقولك جيتك من الشوق محروق = ولااقولك زيدي غلا واحرقيني
جيت اتعلم منك وش يعني الشوق = لاجيت احطك بين قلبي وعيني
غرنوق يادوحه يالبيه غرنوق = وأنا مع الغرنوق بايح كنيني
لايابعد ديرة معمر وفاروق = ولحود وحسين وعلى والخميني
اقولها واقول لو كنت مسبوق = يكفيني انك ياقطر تسمعيني
مدامها مابين عاشق ومعشوق = عاشق ولكن طالبك تعشقيني
اسولف بعشقك على كل مخلوق = ولا لامني كود الردى والدويني
اللي ربوا بالكذب والزور والبوق = تبعدي عنهم وانا قربيني
كم لي وانا اغنيك طاروق طاروق = مابين مسحوب العرب والهجيني
لو بيننا حد ومسافات وفروق = حبك لغى كل شيء بينك وبيني
والله ماهو هرج طايش ومطفوق = لا والذي بقى حدا والديني
انتي وانا ياغاليه دم وعروق = ياديرةٍ يندي عرقها جبيني
ديرة حمد راع المواجيب والذوق = راس السنام وقدوة الطيبيني
معذور احبك واتبت لحبك حقوق = وانا ولو ما اقطع ظماك اشربيني
لعلي اتنفس نسايمك واروق = وارسل عليك من الفرح دمعتيني
والدمع لازاد وجرح صافي الموق = حطيت وجهي بين مجمع يديني
ورفعت راسي لك وانا اقول ياشوق = لا داعبك ريح الكويت اذكريني
وسلالامتكم
|
الله الله الله عليك يابوفهد
لله درك كم نحن بشوق لابداعاتك ...
صح لسااااااااااانك مليووووووون...
ما اسعدنا بهذه الاطلالة الرائعة..
اسفرت وانورت يالغالي...
غبت عنا هنا..ولم تغب عن قلوبنا وعقولنا..
وها انت تنير المنتدى بحضورك الكبير...
هنيئا لنا بعودتك وهنيئا لقطر ودوحتها بهذه الباذخة جمالا...
ويستاهل ابوساره هذا الاهداء الرائع من رجل اروع...
صح لسان مرة اخرى..
وبعد اذن المشرفين .. تثبت
تحياتي لك