الــغربــــة
لو الأمل في داخلي يزرع الشوق=ترى الحزن يحصد ويقطف ثمارة
لأن الحزن ماهو مكرس لمخلوق=الا لشخصٍ مبتعد عن ديارة
أعيش في غربه ترى الصوت مخنوق=وأداري العبرات تارة و تارة
يا وجد حالي وجد شراية النوق=باع الحـلال وكل أبوها خسارة
ماهي بضيقة بين عاشق ومعشوق= الضيقة اعلى من حدود الصدارة
الضيقة الي لبست خافقي طوق=نارٍ بقلبي والسبب بالشراره
مايجلي الأحزان والهم والعوق=الا خشوع القلب ولا انكسارة
بيد الولي وقت الفجر هلت الموق=والهم يعلن غيبتة واندثارة
لين ارتفاع الشمس في حزة شروق=من علم طيور الفجر للطيارة
من حاش رزقه بين الارزاق مرزوق=يسعى ويلقى والعمل هو شعاره
والي عليه حقوق ايضا له حقوق=هذا كلام المجتمع والأدارة
ماني عنيد ٍ لاولاني بمطفوق=شاعر وذاق من الهموم المرارة
بعد القصيدة بيرق الهم مشقوق=والي اعتنز بالله شاف انتصارة
أحمد القماصي السبيعي