[مشاعر حالمه]

السلام عليكم ورحمة الله وبركاته

آسفه على الغياب واتمنى ان تقبلوا هالابيات مني عربون غلا لهالمنتدى الراقي

في يوم الاربعاء في جريدة اليوم بتاريخ 3/2/1428هـ عدد 12304

قرأت خبر لطفلتين تنتظران عودة والدتهما منذ 7 شهور في دار الحضانة بالدمام

وانا هنا أسألها بالله ان تراجع نفسها وتعود لطفلتيها وتفعل ماهو صحيح لها ولهما ...

وسبحان الله في يوم الاثنين بتاريخ 8/2/1428هـ في نفس الجريدة الغالية ( جريدة اليوم )

قرأت الخبر التالي :

جد الطفلتين يتعرف عليهما ..

الحمد لله الذي يجمع الشمل ..وباذن الله نقرأ في القريب العاجل عودة الأم ^_^ ..

وين قلبك والمشاعر والحنين = وينهو عطف الأمومه والحنان
شوفي شهله تبوسها الحلوه حنين = تقول ماما راجعه معها لبان
لنّها قالت باجيب الليموزين = نروح وياكم الى برّ الأمان
يالله ياستقلال تعالي وش تبين= لاتقولي خالدٍ ضايع وكان
كان مدمن مخاويٍ للمدمنين = لاتقولي يامره فات الآوان
افهمي ياحرمه كان بتفهمين = احضنيهم يالله بوسيهم كمان
لاتقولي ماقدر الا تقدرين = في رعاية اثنتين والله جنان
كان قصدك قاصراتٍ اليدين = ابشري باللي يمد الك اليدان
ياكثرهم في زمنّا المحسنين = خيرهم موجود والله من زمان
المصايب واجده والله يعين = كل منهو ذايقٍ طعم الهوان
احد يبحث له عن اطفال وجنين = واحدٍ يرميهم على أية مكان
يالله ياربي سألتك يامعين = ترزق اللي صابرٍ روض الجنان

وسلااااااامتكم ,..

تحيتي لكم / مشاعر حالمه _عزوة ابوها