[مزيد المزيد]

الحمد لله الذي اتم نعمته واكمل فرحة القلوب المطمئينه والراضيه بقضاء الله وقدره .


والف مبروك للويلان بمناسبة اكتمال الديه وعتق رقبة ابنهم عبدالمجيد

واتقدم بجزيل الشكر لكل من ساهم في عتق رقبة / عبدالمجيد مادي ومعنوي ...

ياعيال وايل شيلوا الصوت بالحان = حان الفرح والعلم كلا ً دري به
ويالبيض قومن مابقى هم واحزان = شيلن ( زغاريد ) الفرح دون ريبه

.
.
.
.

قرّت عيون اللي له الحزن ديان = ومصيبته ياكبرها من مصيبه
الحمد لله فرّج الضيق سلمان = وصارت بسيطه عقب ماهي صعيبه
قال : ابشروا ثم ارتكى له بليهان = وشال الحمول وقال : والله لاجيبه
ولا هي غريبه وقفته عالي الشان = دايم من الطولات ياخذ نصيبه
سلمان عدّ ً كل من جاه ضميان = صدّر ملي مايشتكي من غليبه
سلمان غيمة خير بالطيب رويان = ياسعد من هو باللقا ينتخي به
سلمان .. راااسك لاعدمته ولا هان = يامن ملك قلب المواطن بطيبه

.
.
.
.
.
.
.

ولعيال وايل اثني الشكر عرفان = فرحة ابن عم ٍ فزع له قريبه
عند اللوازم كالجسد صف بنيان = عاداتهم ربعي .. ولا هي غريبه
اعصب بهم راسي إلا صحت ويلاااان = وافخر بهم واحس نشوه عجيبه
اللابه اللي فعلها خير برهان = حتى الصغير يرد كفه لــ جيبه

.
.
.
.
.
.
.
.

ولــ نسى هل المعروف والطيب باحسان = اللي يمد العون ربه يثيبه
اجر وغنيمه لارجح كل ميزان = عند الذي كل البشر تلتجي به
وعند الصعايب كلنا دم واخوان = لاضاق واحدنا غدينا طبيبه
والحمد لله فرحة ٍ نورها بان = يالبيض قومن ( لولشن ) دون ريبه