سليمان المانع
\
/
إيه إنخذلت ولا بواحـد ولا إثنيـن
وما أقول كل المجتمـع بـس جلّـه
ياحسين أنا المطعون ياحسين ياحسين
اللي شرب زايـف غلاهـم وبلـه
ياما حكولي بالفضا صحبـة البيـن
ويارخص حكيٍ مايجي فـي محلـه
شفت الوفا في لحظة الموقف الشين
يـا زلنـي والا يقـولـون زلــة
وأنـا براسـي للصداقـة قوانـيـن
ولغـزٍ كبيـر وبعضهـم مايحـلـه
وأبقى أحمد الله وأذكر الموقف الزين
وإن ضاع موقف طيب يلقى هلٍ لـه
عنْزّ..على الناس النشامى المسمّيـن
أهـل البيـوت النايفـات المطـلـة
رجّالهم عند المواقـف عـن ألفيـن
سيفٍ بوجـه أيامـك السـود سلـه
مثل البدرفي ليلـك الحالـك يبيـن
إن ضاع درب الجال جيتـك ودلـه