لكم ,, للويلان فقط .
الوقت علمني دروب المواجيب = وعلمني اجنب دروب الرزايا
اشوم عن درب الردى واترك العيب = وانوز للعليا وزين المزايا
اخذت من وقتي دروس وتجاريب = حفظتها حفظ البشر للوصايا
الوقت شيخ/ن والاوادم معازيب = مايقضي الحاجه بسوق العطايا
وانا معي للوقت تذكار من طيب = وقت/ن عسفني مثل عسف المطايا
لو ان في وسط الظلوع المحاديب = شي/ن يكسر محدبات الحنايا
ماقول توجعني جروح/ن معاطيب = ولا تلمح رموش النواعس بكايا
ولايفرحون مدورين العذاريب = اللي يزيدون الكوايا كوايا
بشاية ولي العرش من يعلم الغيب = رب/ن يخافونه جميع البرايا
ماينحني راسي ولو يمتلي شيب = ولاارجع برايي والنوايا نوايا