اقتباس:
|
المشاركة الأصلية كتبت بواسطة نفاع العنزي
خلجات نفس ليس إلا
أكذب عليك إن قلت ماعندي علوم = إلا .. تعال أعطيك موجز علومي
تجمعت عندي ثقافات وسلوم = وعجزت أغير يا السنافي سلومي
لو مات من عمر التقاليد لو يوم = أحس ذاك اليوم يا ( عناد ) يومي
أحس بآلام وهواجيس وهموم = والكون ضاق وضيقتني همومي
تصدق نسيت بعالمي لذة النوم = وأشتاق لك كثر اشتياقي لنومي
أدريبك إنك بالمهمات زيزوم = وأدريبك إني لا نخيتك تزومي
لكن تراها كلها أضغاث وحلوم = وأبيك تقرالي ملامح حلومي
عايش بعالم بلدة مالها رسوم = وأقرا بأساطير القدامى رسومي
الفرس واليونان والهند والروم = سهولها قامت تزاحم حزومي
غبي.. رسم في لوحته شمس ونجوم = مثل الذي يجمع براد وسمومي
تلقى بها الدنيا غني بس محروم = وتلقى بها فقير بس محشومي
وتلقابها من علية القوم ، ورخوم = وتلقى غراب البين فيها يحومي
إعلان تكفين المعالي بمرسوم = قرار باجماع الضعوف الرخومي
ساس الثقافة عندهم كشخة هدوم = وأنا جهلت ومعجبتني هدومي
عندي من الماضي على الحاضر عزوم = وخيبة أمل تمحى بقايا عزومي
جوي ملبد به أعاصير وغيوم = متى على الله يعتتقني غيومي؟
مو مشكلة لا صار لي ربع ، وخصوم = المشكلة لا صار ربعي خصومي
هنا أودع عالم الزيف واللوم = وأترك مطافيق المهبل تلومي
|
حاولت اقتباس الأجمل وكلما قرأت بيتاً وجدت ما يتبعه اجمل
أقتباسها بكاملها كان هو الأجدر
لوحه تناغمة بغاية الروعه من الصياغه
همس راقي كتب بأنامل تحمل حس متميز وخلاب
تقبل همسي بين ثنايا همسك
نفاع العنزي
تحياتي لهذه الروعه