والربح فالجنة ولا فيه تشكيك = واتجاره امع الله هي افضل تجاره
ويالادمي دنياك تخبر وتنبـــــــــيك = واذكر زمان فات واذكر اشعــاره
ياذا الزمن ياذا الدهر ويش اسميك = طغت عليك مقومات الحضاره
والعاقل اللي يعتبر من بلاويك = هذا مثل والحر تكفيه اشـــــــــاره
والصاحب اللي مايثمن مباديك = هذاك ماتسعف يمينه يساره
هذاك لو يكحل لك العين يعميك = حطاب ليل ودون عرف وشطاره
زراع غل ويحسبنه ايسليك عنده = علىنسج الحكايا مهاره
دايم ايحرك راكد الجم تحريك = وان ماتحرك له رمى به حجا ره
ولاخير فالنجوى وفاللي يناجيك = مادام هرجِ خارجٍ عن مساره
وان جاك هذار المجالس ايحاكيك = ابعد عنه خلك على راس قاره
قله على هونك عسى الله ايهاديك = مقابس النار الكبيرة شـــــــــراره
وعرفي ايكفّيني وعرفك ايكفيك = لعل سوقك مايزيد ازدهـــــــــاره
ومن جرب احداث الليالي ايوصيك = وقد قالها الصقري بضيفه وجاره
والصاحب اللي تحسبنه امصافيك = وان حل ميقافك طفى ضو نــــــــــاره
نزح جنابك عنه وابعد حراويك = وافرض عليه الحضر واعلن احصاره
ويابانيا بيتا وهو مايذريك = خلخل ابسيسانه وكســـــــــــــــــــر اجداره
ويا مظهرٍ سدك على من ايعاديك = اللي يريد لكل علم انتشــــــــــــــــــــاره
ويامعتزي في شخص مايعتزي فيك = تنحاه للعليا وهو بانحـــــــــــــــــــــــــداره
تبغى تهقوى به وهو ما يهقويك = وعند الجماعه مايزيد اعتبـــــــــــــــــــــاره
وياتابع الغاوي مع الوقت يغويك = في ساعةٍ يعلن عليك انتصـــــــــــــــــــاره
ومن صد جعله صدته لايعنّيك = اللي ايتغير بين تاره وتــــــــــــــــــــاره
ومن ضافنا قلنا عسى الله ايحييك = ومن زارنا يعطى حقوق الزيـــــــــــــــاره
ولا صار ما حوش المراجل باياديك = تسري بليل الله وتمشي نهــــــــــــــــــــاره
وكلمة نعم تنقال لاحل طاريك = وفي كل مجلس لك محل الصــــــــــــــــــــداره
وان كان لاي هرجه ارخيت اذانيك = لابد ماتشعر بطعم المـــــــــــــــــــــــــــــــــراره
قم راجع الماضي وحاضرك يعطيك = يعطيك تقرير الزمان وقـــــــــــــــــــــراره
هذا كلامٍ يابيض الوجه يعنيك = واخير من طول الكلام اختصــــــــــــــــــــــــاره
الشاعر / عبد الله سلطان الحريري
صح لسان الشاعر عبدالله سلطان الحريري العنزي وهو من الشعراء الذين ابدعوا بشعر النظم وبرعوا في شعر المحاوره
لاهنت يالقرم على النقل المتميز
...