يحق للتاريخ يفخر بنا دوم=يفخر بنا من اول الوقت واتلاه
افعالنا تشهد لها الفرس والروم= ويشهد لنا النعمان يوم الغدر جاه
وتشهد لنا ذي قار والأمر محسوم=يوم كل ٍ ضيع الدلو ورشاه
وشهد لنا اللي دايم الدوم معصوم=أحمد عليه أفضل سلام ٍ مع زكاه
بخ ٍ بخ ٍ ويلان ما مثلهم قوم=أهل السياده والكرم وأهل الجاه
ليا زعلنا تحجب الشمس بغيوم=وعدونا نعمي عيونه وندواه
وليا رضينا يبتسم كل منجوم=حتى القمر تبين معظم حلاياه
كل الحقايق واضحه ماهي حلوم=حتى الثرى يفخر بنا لا وطيناه
لنا فعل ما يفعله اي زيزوم=من ينتخي فينا له العمر بعناه
ويلان حامين الوطى دايم قروم=حتى السحاب اللي تعلى حميناه
حكام من حكام والغير محكوم=الراس عالي وأيضاً التاج بأعلاه
لو العذارى ينجبن عشره بيوم=والله فلا ياصل احد ما وصلناه
حنا عنزه ساطين والكل ملزوم=يخضع لنا من اول الوقت واتلاه