تدري وش اللي اصعب من الحق بيدين البخيل=اني أقطع بدمع الياس شريان الرجا
والرجا لوّي قطعته صامله بحد الصقيل=كان أريّح خاطري من همومٍ تسرجا
والدروب اللي مشتها الرجل وبليّا حصيل= ماحفظَت عهدٍ تعاهدناه في ظلمة دجا
كنت أعنّي الرجل يَمّه وتمشي بليّا دليل= ماسمعت اللي نصحني ولاسمعت اللي رجا
ماحسبت الاّ حسابه وأنتظر منه القليل= كنت أظن ان كل ضيقه لالقيته تفرجا
أتعب عيوني تحرّا لامراح ولامقيل= كل يوم أقول باكر ماتخيّبت الرجا

مر عامٍ بإثر عــــــــــــــــــــــام وصار حلمٍ مستحيل= وضاع عمري بين وينه/ وين راح/ ووين جا ؟!

يالله يالله اني بوجهك ياعظيم وياجليل= يالله إلطف لارجيتك مالي غيرك ملتجا
ماطلبتك راجيه من حنانه لو قليل= ألاّ جعله في مراحٍ من ورى سلمى وأجا
إرحم القلب المشقّا في رجا المقفي ويخيل=وياعسى نفسٍ تبيه تطيب منه وتفرجا

ماحسـبـت الاّ حسـابـه وأنتـظـر مـنــه القـلـيـل
كـنـت أظــن ان كــل ضيـقـه لالقـيـتـه تـفـرجـا

صح السانك شاعرتنا العيوف