لاهنت ياصقر العروبه ولاهان=عود(ن) على الجزلات ربّى عياله
اخوان نوره خازمت كل شيطان=أهل الكرم والجود وأهل الشكاله
حكام شرع الله لهم عندنا شان=من غيرهم طبق نصوص الرساله
اليّا أمر صقر العروبه بليهان=كلن يقول لبيه لأمره وشاله

يا مرحبا بصقر العروبه والاسلام=تقولها حايل وأميره وأهلها
ترحيبت(ن) تبقى على طول الأعوام=من دهمشي جزل المثايل زهلها
يامرحبا مارفرفت خضر الأعلام=وعداد ماهلت غمايم وبلها
عهد(ن) علي لأقول لك دوم قدام=كلمت وفى أقولها وأحتملها

من ديرتي بالجوف نظمت الأمثال =بقدومكم ياسيدي سر بالي
أهلا هلا بك عد ماهل همال =واعداد ماهبت هبوب الشمالي
تشريفكم لجوفنا للتعب زال =وسام أحطه فوق صدري يلالي
أنت المليك وللصعيبات حلال =ياللي تحل المعضلات الجلالي
حلال صعب المهمات وثقال =ثقل الجبال النايفات الطوالي
المجد نلته وانت للمجد نيال =رمته ورامك يازبون التوالي
من شبتك لليوم تضرب بالامثال =فريد نوعك ياعظيم الرجالي
لك شوفت(ن)ماحازها كل رجال =حلم وسيع وحكمة واعتدالي
من حكمكم لليوم ماعدلكم مال =أمية عام وزايده بالكمالي
للزين والله زين حق لك يقال =وللضد علقم مر للكبد صالي
واللي مشا بالدرب عدل ولامال =لكبده أحلى من درير المتالي
وصلاة ربي عد ماهل همال =واعداد مانبت الحيا بالسهالي
على نبي(ن) خصه الله بالانفال =خصه ولي العرش منشي الخيالي