لولا بأني خايف أجرح مشاعرك = والله لاسب أمك وابوك وخواتك
حشمتهم يازين من شان خاطرك = كل الهدف أني أبين غلاتك
ياللي ربيع الأرض يشتاق ماطرك = ياللي صفاتك ما توضح صفاتك
أولك ما يوصل مداهيل آخرك = مرك غريب ومختلط في حلاتك
طولك قصير وأتعب ان قلت أمترك = طاهر ولا أكثر منها سيئاتك
سهل ٍ ولا ادري كيف وشلون اقهرك = صعب ٍ وانا ادري وش ورى أمنياتك
لين وتطعن من ورى قلب شاعرك = قاسي ولا تقدر تعيش بحياتك
أذوب في لذة حلا طعم سكرك = وأتوه لا منها نطقت لي شفاتك
لولا بأني خايف أجرح مشاعرك = والله لاسب أمك وابوك وخواتك