ياهجوسي غربيبي ياهجوسي شرقيبي=فالبحور وفوق بابور القوافي وسط غبه
وابحري وسط المحيط بغبة اليم المهيبي=يم قاع اليم يم القصر أبو فرخه وضبه
وحضريلي من بنات الفكر ملعونة صليبي=ياهجوسي رقصيها وارقصي رقص المحبه
مثل رقص المهره اللي تضرب جموع الحريبي=فوقها اللي في يده مصقول باليمنى ضربه
وحضري واسترسلي مادار في راس العتيبي =قاف من جزل المعاني ما يجي درب المسبه
قاف يسترسل ويرسل من صحيب اليا صحيبي=يم أبو شايح هواء بالي مطاراته مطبه
عيدهياً والبشاشه في محياه الرحيبي=تشبه لنوار نبت الوسم في ريضان خبه
من رجالٍ بالملاقا للقا عوق الطليبي=الزحول أزمول لحمول المهمات المقبه
الزحول الاد وايل للعلا شباً وشيبي=الخلف درب السلف بنو بعرش المجد قبه
وشاعرٍ واحدى ملوك الشعر للقاف الصعيبي=سنترالشعر ومغنه مدخله في وسط عبه
يملك من الشعر ما يملك من المال القصيبي=قاطعاً ضماه من بحر الشعر ياما شربه
شاعر وماهر وقاهر بالشعر وايضاً اديبي=منبر الشعر أن خطبه ما حدٍ بعده خطبه
ما طرق بحر الكموديا والفكاهه والسريبي=يضرب بحور الجزال من الشعرشفه وطبه
من فرايده الغريبه فالشعر مصبح غريبي=ظلم وين العدل وين العدل ياعلام المسبه
يوم بعض الناس شعره لا يودي لا يجيبي= طلعه منهو يحرر بالمجال ومن كتبه
ومثل أبو شايح حشا لله والخالق رقيبي=يسبح ابحراً عسر بعض الخلايق قد قلبه
ولكلمة الحق اتشرف للبعيد وللقريبي=لو تبا تطلب قدم سلطان جاير ما حسبه
وضم صوته جنب صوتي صاحب العقل اللبيبي=وياسلام الله على اللي مانحه بالعقل ربه
امدحه وابغا امدحه وابغا امدحه ماهوب عيبي=المدح فاللي كفو ميزان عدل ولا نكبه
ومن خنين العود ببطون المباخر يالعريبي= يكسي محياك ويسوقه من الوقاد شبه