°~*¤®§(§ شبـــكة ويــلان العـربـيـه §)§®¤*~ˆ° - مجاراة لقصيدة ..الشاعر مطلق النومسي

بسم الله الرحمن الرحيم

أعضاء وزوار هذا المنتدى الراقي ..؟

يسرنا أن نتحفكم بمجاراتنا .. لقصيدة الشاعر الكبير / مطلق النومسي

والتي مطلعها (يالله ياقابل صلاة المصلين 00 )

أملين أن تنال إعجابكم :

والتي أقول بها :

حي القصيد وحي عـذر الكريميـن = حيه وحي اهلـه وحـي اغتنامـه
حيه وحـي الله جميـع الشعاليـن = تحـيـةٍ نزفـهـا بأبتـسـامـه
تحيـة تشـرح صـدور المحبيـن = نزفهـا لاهـل الوفـا والشهامـه
تحية نوفـي بهـا كامـل الديـن= من راس راسٍ واثق مـن كلامـه
ماضي يكررها على العسر والليـن = باجمـل تحياتـه وفايـق سلامـه
للي عزل ماه المصفاّ عـن الطيـن = والقى الشوايب فوق راس الخمامه
ماقـال لابكـره ولاقـال بعـديـن = ساق السواني لين حثـت حيامـه
داوا الكبود وقال لاهل الحسد ويـن = تبـاً لكـم محـدٍ يحقـق مرامـه
تبـاٍ لكـم يامغيريـن العنـاويـن = يااهل العلـوم الخايبـه واللئامـه
بيّن ووضّح لين راح ابو وجهيـن = وجهه يدور لـه بوسـط القمامـه
ياصاحب الحبليـن مافيـه حبليـن = ( مطلق فهد ) هـذا خوالـه عمامـه
هذا سلايل عايـد العـود ياسيـن = حصنٍ حصينٍ مايهـون اقتحامـه
من نومس بن محمد شعيل بالعيـن = من نومس بن دليم مصدر وسامـه
من صقر بن علي السليمان ياميـن = بعبيد طبعاً كـان قصـدك غشامـه
من بشر بن عناز حبس المضاعين = فرز الوغا لاصـاح راع الجهامـه
جده من العشره صقـور الثمانيـن = يوم ان جو الطعـس ثـوّر كتامـه
علم مثبـت كـان منتـم بداريـن = على النقا المعروف حـب وكرامـه
كـلام راكـب سجلتـه الدواويـن = يوم ان بعض الناس مدري علامـه
يبغا يتجاهـل والعواريـف حييـن = عدوا وضلم وضعف دين وسقامـه
ياربعنـا بالكبـد مثـل السكاكيـن = من زلّـت اللـي مايقـدر مقامـه
واللي يريد الحـق لـه مستعديـن = نعطيـه حقـه ماننقـص تمامـه
حق علينا ليـن تـاف الموازيـن = امـا لنـا والـلا علينـا الغرامـه
حنـا رجاجيـلٍ نعـرف القوانيـن = نمشي على درب الرسول ونظامـه
الحق حنـا لـه وللعـق صاحيـن = مـن رادنـا بالعـق حنـا كعامـه
نعطيه من صافي سمـوم الثعابيـن = سم الافاعي عندنـا هـو طعامـه
طبع لنـا تشهـد عليـه الملاييـن = ماعندنـا للضـد غيـر الصرامـه
ياللي تبي معنا مثل حرب تشريـن = مادس راسه طيـر غيـر النعامـه
( جعافـره ربعـي بكـل المياديـن = الفـوز عادتهـم ليـوم القيـامـه )
اقولهـا واحطهـا بيـن قوسيـن = والمحترم يفرض علينـا احترامـه
ياموفدي قم هـاك منـي خطابيـن = للشيخ ( بن شعلان ) رمـز الفخامـه
رمز الوفا والطيب نسل السلاطيـن = اللي سنـام المجـد لاشـك رامـه
رامه وحدد موقعه بوسطـه زيـن = جـدٍ علـى جـدٍ تـورّث سنامـه
تحت الشجاعه والكرم حط خطيـن = اما الزعامه هـو محـل الزعامـه
من روس شيخانٍ بوايـل مسميـن = تاريخهم بين العـرب لـه علامـه
رمز الفخـر تاريخهـم للمماريـن = شرق وجنوب الدار طبعـاٍ وشامـه
ياشيخ وش رايك بكيـد المعاديـن = كلٍ مع الشيطـان وجّـه سهامـه
يبغون يذكون الفتـن هالملاعيـن = كلٍ بخشمـه قـام يفـرك عرامـه
والسالفه ياشيـخ ماتعتبـر شيـن = حتـى يـدان المتهـم بأتهـامـه
والمتهم سالم من المقصـد الشيـن = مضمون من راسه ليا اخمص بهامه
عندي على هذا شهـود وبراهيـن = واكبـر دليـل الاعتـذار بكلامـه
هيا انكتم يامسعّر الحرب هالحيـن = يامضخّم الزلـه بذيـك الضخامـه
هذا وصلى الله على داعـي الديـن = صلى عليـه الله وكثّـف سلامـه

وتقبلوا خالص تحياااااااتي ....