ولدت عادي ومتواضع وأحب السلام= ولا أعـتــرف إلا بـرجـــل فـــيـــه خــيـــــر
خلقنـي الله وجعلنـي رفـيــع الـمـقـــام = ومـن فضـلـه يـحـبـنــي صغيــر وكــبـيــــر
ماكان تفكيري الاكيف مااكسب حرام = والحمـد لله رزقـنـي بـالـحـــلال الــوفــيـــر
إن لم يكـن ممشاي نـور ماهـو ظـلام .= ماعـاد تفـرق معـي لو كـنت أعمى ضريــر
الله أكــبــر ولـه الأسمــاء الـعـظــام .= وهـوالسميـع البصيـر وهـوالعليـم الخبـيــــر
أخذت من سيرة محمد صلاة وصيام = مــا لا خــذيــتــــه مــن فــــلان الــوزيـــــر
وأخــذت من نصح أبوي أغلى كـلام = وش لــون أكـــرم ضيـف وأجبــر كـسيــــر
وأخــذت مـن تجـربـة شيــخٍ هـمـــام = مـافـيــه شــي بالـدنـيــا يسـمــى عـسـيــــــر
وأبشـرك أنـي بخيـر مـن عـامٍ لعــام = مــن مـبـتــدا مـمـشـــاي لــيـــن الاخــيـــــر
صحيح صلاة الفجر احيان عنها أنام= وأنـســـى الـظـهـــر وأصـليـهـــا عـصيــــر
لـكــنـي أستـغــفـــر واحـــدٍ مـايـنــام =اللــــي بــيـــديــــه أبــــواب الـسـعـــيــــــر
المسلمين أســود والغـرب دايم نعــام= وعلـى نـهــج النبــي بالــوقـت هــذا نسيـــر
ماتخضع أرقابنا أرقابنا فـوق الغمـام = الا لــرب الارض وهـــو العـلـي الـقـديــــر
لا ذل لا تـخـــويــن لا والله كـــــرام = واللـي يغـدر فـيـنـا تـــرى روحــه تـطـيـــر
ياأبـو محمد قلـي وش اخبار الغــرام = إنـس القصيــده وقـلــي وش اللــي يـصيـــر
رجـلٍ عـرفتك وعلـى صدرك وسـام = يوم أني اسمـع قصيـدك ترى عقلـي يطيـــر
مشتاق والله أشـوفـك ولا عليه مــلام = شــــوق بــــدوي لاضــاع مـنـــه بـعـيـــــر
والله أعـــزك عـــز مـع الاهـتـمـــام = وأيـضــاً احــبــك حـــب مــالـــه نـظـيـــــر
يالشـاعــر اللــي مـايـحجـبه عـســـام= يــوم أن غـيــرك نـاقــصــه شــيٍ كــثـيـــر
أن الأوادم كــلـهــم مـن لحـم وعظـام = ومـا اشــوف فــرق بـيـن زيـــد وعـمـيـــر
الا رجـــل كــــل لـيــلــه مــا يــنـــام = يخـاف مـن يـومٍ يجي والنار تـزفـر زفـيــر
إذا العزاوي تجي في خال ويا العمـام = والــكــل يـنـخــى والـنـخــوه بـراسه تـديــر
فانا تراني معتـزي بالرجـال الحشــام = أبــوي مــع خــالــي نســل سـالــم الـزيـــر
أمـنـت بـانــك لـشـعــر دايـــم حــزام = وكــفــرت بـالـحـقــد والـكــره ويـا الصفيـر
مـن لايـقــدر أفـعــال رجــلٍ جـســام = ما هــو بوالله مـقــدر الـحصــان الـمـغـيـــر
ياكـتـلة الشـعـر ياللي مسكـت الزمـام = يـالـشـاعــر اللي بـالـشـعـــر ضـوه مـنـيـــر
يالمستحيل اللي له الشعر وقـف وقـام = قــــام ووقـــف وقـــال اهـــــلاً جـــريـــــر
يالـوايـلـي غـلاك ماهـو بكيلـو جـرام = غــلاك أغـلــى مـن الـذهــب والــحـريــــر
أنـا تـــرى دايـــم أحـــب الإبـتــســـام= مـع الـبـشــر كــلـهــم غــنـيـهــــم والفقـيـر
ممـا يسـبب لبـعـض الناس الإنقـســام = نـاسٍ مـعـــي ونـاس تـــزحــــر زحــيـــــر
بعـض الـهــرج لاجــاء ياتــي تـمــام = والـبـعـض الاخــر مثــل مضـغ المضيـــر
والشـاعــر اللـي شـاف حـلــم بـمـنـام = مـعــروف حـلـمــه تــرى حـلمــه قصيـــر
والشـاعـــر اللـي مـلــك حــب ووئـام = ولاقــال شعــره جميـــع القـــوافـي تنيـــــر
أبك الشعـر لاقلت ياسـر وقف بحترام = ويــقــول عـنـتـــر مـعـا يـاســـر صغـيــــر
لا لا تــحـــاول تـقــتــرب يـاغـــــلام = لاتـحــاول تـقــرب تـرى المـوقع خـطيــــر
والشعــر ابـشــرك دايــم على مايـرام= مـادام أبــو مـحمــد عـلـى البـيــدا يـسيــــر
أقـســـم قـســـم ولا عــلــيـــه مـــــلام = انــك يـايــاســـر لـشعـــردايـــــم سـفـيــــــر

أخـوكـم/ أبــو عــزه الركـابـي

الركابي


قصيده رائعة الفكره

وياسر شاعر كبير

وسمحلي 000 ينقصها الوزن يالغالي


ولا خلا ولاعدم



دمت بود

المشاركة الأصلية كتبت بواسطة !! بندووووول !! أبك الشعر لاقلت ياسر وقف بحترام ويقول عنتر معا ياسر صغير لا لا تحاول تقترب ياغلام لاتحاول تقرب ترى الموقع خطير والشعر ابشرك دايم على مايرام مادام أبو محمد على البيدا يسير أقسم قسم ولا عليه ملام انك ياياسر لشعردايم سفير انشهد انك صادق صح لساااااانك ومجاارااه جميله استمتعت في قرائتهاا لاهنت يالركاابي