الســــــــــكر
هذه المشاركة بعنوان (( السكر )) أرجو أن تحوز على بعض القبول ودمتم بخير يالسكر اللي بوصفك زايد السكر أنا أشهد إنك حلاة الغيد ياسكر أبي آتباها بزينك وأتحداهم وأقول باب الحلا من عقبها سكر اللي تعداء تغنجها حلاوتها أكتب قصايد بها من غير لافكر حتى خفوقي إذا لحظة تناساها في لحظته كل جوه صار متعكر حالة فريدة بنفس الوقت خلابه منها القوافي على طاروقها تسكر أبغى وفاها ولاأبغى شيء بالدنيا والقلب عن غيرها بأقفال متسكر مزة شفاها إذا مزيتها مدري أحس إني شربت السكر ولاأسكر أمشي لها وأبتهج من يوم الاقيها ولو أتأخر معاها تقول يامبكر سريت بدري ترى ذا الليل مايكفي وأقول حاضر وأنا من قلب متشكر تكفين بالله طلبتك يابعد عمري أبي أتمعن بخلق الله وأتفكر لأن زينك ضرب بالزين أسطورة أذكر جمالك وغيره قط ماأتذكر وصلك ياعمري دواء للهم وآلامه وإلا غيابك هو الإجحاف والمنكر وأنا بغيابك ترى يابهجت سنيني واحد طريقه غدا مسدود ومسكر وأنا بحضورك زعيم الحب ياحبي سكر وأحبك ياكل الحب ياسكر saleh88@maktoob.com . |
رد: الســــــــــكر
صالح الجزاع ،،
شاعر .. ينثر تمكنه هنا .. بعاطفه .. ترتدي .. أجمل حللها .. الباهية .. نص .. رائع .. لشاعر أروع .. وصلك ياعمري دواء للهم وآلامه وإلا غيابك هو الإجحاف والمنكر وصلك ياعمري دواء للهم وآلامه وإلا غيابك هو الإجحاف والمنكر يحق ببشاعر ما يحق .. لغيره .. لك مني .. الحب .. ولي منك الابدااع .. المختلف .. بجماااااله .. دمت .. يا صديقي .. بهذا البوح المتوهج .. تقديري ،، |
رد: الســــــــــكر
صح اللسانك على هالأحساس يا(سكر) وفكره جميله ونص أحلى من الفكره ويعطيك العافيه
على فن(التصريع) اللي فعلا فكرة القصيده ومعانيها محتاجه لهذا النوع من حرفيات القافيه ويعجبني الشاعر اللي يعرف كيف يلعب بفنيات الشعر وأدواته وعلى قولة الشاعر محمد بن حمد بن افطيس المري عندما قال ( الشعر طوّقني وانا طوّقته.....قمت آتمشّابه وافك ابوابه) ياسلام عليك ياصالح الجزاع أسجل أعجابي فيك فعلا لامجامله |
رد: الســــــــــكر
لأن زينك ضرب بالزين أسطورة
أذكر جمالك وغيره قط ماأتذكر صح لسانك مدد ولاهنت دمت بخير ... |
رد: الســــــــــكر
الاخ / صالح الجزاع
رائعه من رائع أبدع بحياكتها وصياغتها بما يجعل المتلقي والقاريء يبحر في سماءها الخلاب لله درك على هذه الرائعه وصح لسانك ايها المبدع ودمت بكل خير وعافيه وتقبل فائق التقدير والاحترام |
رد: الســــــــــكر
صالح الجزاع
صح لسانك مدد بلا عدد قصيدة فعلا تستحق عنوانها رائع بما كتبت وننتظر كل ما هو قادم وتقبل فائق تحياتي لك . |
رد: الســــــــــكر
صالح الجزاع ،،
صح لسانك لله درك على هذه الرائعه |
| الساعة الآن (09:01 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه