العمـر فانـي واليالـي قصيـره==وكلن على ماقيل يجهل مصيـره
بعض البشر يحسب حساب لضميره==يالله تحمينا من نفـوس الاشـرار
نمشي بهالدنيا ونلقـى المصاعـب==ومن جامل الناس جنـب متاعـب
والحظ كله فـي ذيـك الملاعـب==يالله ترزقنا وتحمي هـلا الـدار
يازين جون على الكيـف صافـي==ذعذاع شارد بـه الطـب شافـي
وان قلت بـارد بـه البـرد دافـي==شيـا يهـول شفـات الانضـار
وحـده تناضرنـي بسمـه جميلـه==سود العيون الي اهدابـه طويلـه
عيني ماشافت مثـل عينـه كحيلـه==سبحان من سواه جلاب الامطـار
خدوده شعاع النـور وردوطبيعـي==وشفايف الجمرات حمر ولهيبـي
وحواجب التقويـس مابـه لعيبـي==خلقت خلاق الكون علام الاسرار
وثغر صغير بحجم ذيـك الخواتـم==وردي وكن الثغر نور وسواهـم
وارتاح انا لاشفت زيـن النواعـم==بذيك الوجيه الي لها القلب منهار
وشعره سواد اليل بشكـل تلامـع==ذيل الفرس لاقلت وبرقا ترامـع
بثوبن على ضهره وبالستر جامـع==لاهزتـه بلمعـت اليـل بانـوار
وخصره نحيف العود موزا بستـان==ضامـر ويامروالجسـم ملـيـان
ريحان عودا وصفها حلو ريحـان==لاخالط البيض الوصف له صـار
والصدر طلعه على الرسـم بـارز==حلو الطلوع الي له القلب جايـز
مرتز راز بنضرة الوصـف فايـز==مجنون من شافه به الزين دمـار
حلاة طوله بـه الطـول معقـول==مهره جميله ولها الطول بذهـول
كله تسـاوي ذاك الزيـن مجمـول==وتشتاق انا عيني لشوفات الامهار
مدلعه تدليع ومـن الدلـع غـرور==غصبن عليه ينغر غصب مجبـور
حتى الدلع يطلب دلعهـا بسـرور==والضاهر ان الدلع منها يبي يغار
شفتـه وانـا شفـت غيـره كثيـر==لاكن سبحان من سواه ذاك الامير
يوم فزت بقلبي كـن قلبـي اسيـر==بسهوم شوق جمرها صالي النـار