بسم الله الرحمن الرحيم
الأخوة أعضاء منتدى ويلان جميعاً دون استناءأقدم لكم هذه المشاركة راجياً من الله تعالى أن تحوز على رضاكم
الأماني والأحلام

يوم الأماني لامسة جوف الأحـــــلام @@ وكلٍ يسوق مناة قلبه وعينــــــــــه
أحدٍ تمنى له جواري وخـــــــــــــدام @@ وأحدٍ تمنى شوف موضي جبيــــنه
وأحدٍ يبى المنصب ورزات الاعــــلام @@ واحدٍ يبي قصر وهنوفٍ حسيــــــنه
وأحدٍ يبي شهرة وكشخه وهنـــــدام @@ وسهرة على الشاطي وفوق السفينه
وأحدٍ تمنى شوف بيروت والشــــــام @@ قلبه على الحلوات زايد حنيــــــــــنه
كلٍ تمنى وساق للفكر الإلـــــهـــــــام @@ يانفس قولي لي وش اللي تبيـــــــنه
ووقف هكا اللي قال تراك تنـــــــــلام @@ ياصالح الجزاع هات الثمينــــــــــــه
مشت علينا وأنت ملزم بها الـــــــزام @@ لازم تقول اللي لفكرك رهينـــــــــــه
ترى المنــى ماحرم بدين الإســــــلام @@ وإلا ازدريت القول ومرددينـــــــــه
قلت العفو يأصحاب غالين واحشـــام @@ ولا ازدريت القول ياقايليـــــنـــــــــه
بس التمني من قديمات الأيــــــــــــام @@ مافادهم ياأصحابنا ممتنيـــــنـــــــــه
ويوم انفتح هالباب واصبحتوا اقسام @@ يبي يقول القلب خافي كنينـــــــــــه
أنا أتمنى من الولي رب الآنــــــــــام @@ الواحد اللي كلنا مرتجيـــــنـــــــــه
عفوه وتوفيقه وغفران الآثـــــــــام @@ لي ولبوي ولأم ماله وزينـــــــــــه
وابي أتمنى الوضح من بين الأنعــام @@ ذودين يسون كل مابالمدينـــــــــه
معهن ليا سجيت تجفاك الأوهــــــــام @@ معهن تطيب النفس لوهي حزينــه
واللي يجي يبشر بتقدير وإكـــــــرام @@ ويقلط على جل القرى والسمينـــه
وآقف مع اللي من عنى الوقت منظام @@ وأساعد المحتاج وآفك دينــــــــه
ولا أنتظر منح الشهادات ووســــــام @@ ولاأنتظر مشكور تسلم يمينــــــه
أرجي بها اللي بالخفيات عـــــــــــلام @@ الواحد اللي عز منهو عويـــــنــه

ودمتم

Saleh88100@maktoob.com