يا سيدي .... جينا ندوس الثعابين
السلام عليكم
اعزائي ضيوف واعضاء منتديات ويلان اضع هذه القصيدة بين ايديكم واتمنى ان تحوز على قليلا من رضاكم
يا سيدي جينا ندوس الثعابين = ونقطع عن خشوم الافاعي هواها مدامنا بالحرب سقم المعادين = نكسر خشوم اللي نست مستواها ومدامنا نسل الرجال الشجيعين = من شجرة يفوح زاكي شذاها يعني عهود بيننا سنين وسنين = تبقى على ماهي ويبقى صداها والزمرة اللي ترتدي بدلة الدين = تخسى شواربها وتخسى لحاها لا جمع الله شملهم هالملاعين = شلة يدين ٍ بالخيانة وراها مجمع سملق .. بالطبايع رديين = ضعاف النفوس اللي تشابه نساها لا .. لا .. بعد هم وين ونسوانهم وين = حتى نساهم عن شبهم .. حشاها جماعة ماهي توصف غريبين = لأنه احقر شي ... يسموا معاها روس الغنم طبله ولا وسطها شين = وابسط مثل في منفعتها فراها وبعض المشاكل معضلة تجلب البين = ومنها فوايد ... لو تعاضم بلاها لكن جماعة مر ّغت اسمها بطين = الله يحد نفوسها في وزاها ما اقول عنهم غير واطين واطين = أحثل حثاله لعنبو من غذاها هيئة ... بشر لكن بفكرة شياطين = بالله وامانه غير نبحث خفاها ناقف لهم صفة رجال ٍ ميامين = نمسك لحاها ثم نلعن ثواها يا سيدي .. هالدار مبطي وهالحين = وحنا نحصن ارضها مع سماها ناقف عليها مثل رمش ٍ على عين = نزيد رونقها ونحرس ثراها (والشجره اللي ينبت بغصنها تين ) = ( مبطي عليها الناس ترمي حصاها) لكن جنودك محزمك ومتحامين = يطرب جنابك يوم يسمع عزاها طيور ٍ على الهدات مبطي مظرين = ولافيهم اللي كلمته قد نساها وجدودنا مبطي معاكم ملبين = وحنا نلبي ونقتدي في خطاها يا سيدي انتم خلقتو " سلاطين" = والناس هذي امتلكتوا غلاها جميعنا معكم وعنكم وراضين = آل السعود .. وماتبعنا سواها يا سيدي .. والعمر سته وعشرين = توي حياتي ما اعرف محتواها لكن اشوف الراي مافيه رايين = ترى الحدب طب الكبود ودواها يا سيدي عمله ولكن بوجهين = منهو ينفذ ( نفس منهو رضاها ) ابطش بهم .. حتى يشوف المعادين = انا نخالف هقوة اللي هقاها والدار تبقى لو تميل الموازين = ان قاله الله غير نبقى ذراها صبر البشر يفوق صبر البعارين = لا صارت النية يشعشع نقاها وياسيدي جينا ندوس الثعابين = ونقطع عن خشوم الافاعي هواها وتقبلوا فائق تحياتي لكم . |
رد: يا سيدي .... جينا ندوس الثعابين
عبدالله عايد صدقني وانا ضد كل المجاملات قصيدتك قمه وروعه وشامخه من شاعر جزل في جميع قصائده صح لسانك ملييييييييييييييييار وتكرار يامبدع |
رد: يا سيدي .... جينا ندوس الثعابين
الشاعر الاكثر من رائع عبدالله عايد قصيده شامخه تعانق النخيل بشموخها جميع الابيات فاخره واعجبتني جدا هذه الابيات ناقف عليها مثل رمش ٍ علـى عيـن .............................................نزيـد رونقهـا ونـحـرس ثـراهـا (والشجره اللي ينبت بغصنها تيـن ) ..........................................( مبطي عليها الناس ترمي حصاهـا) ولكن لي ملاحظه جدا بسيطه عبدالله عايد مادامك في منتدى ويلان اجل انا اتوقع انك من عنزه ( وستين نعم )انا اقولها لاني قريت القصيده هنا ولكن يجوز احد ان يطبعها او تصله القصيده بدون اسم القصيده وطنيه ومعناها وقوف الشاعر وقبيلته مع ولاة الامر صفا واحدا امام كل من يحاول النيل من امنها ولم تنوه عن قبيلتك ولقد مدحت القبيله في بعض الابيات ولم تذكر اسم هذه القبيله اطلاقا والدليل انك ذكرت الجدود وان كنت تقصد ( جنود المملكه ) فلم تنوه لهم الا ببيت واحد فقط فضعنا بين هل الجنود هم افراد القبيله ام الجنود الجنود انفسهم ( ناقف عليها مثل رمشٍ على عين ) وهذا الشطر دليل للحراسه وان كان قصدك الجنود انفسهم فياليت لو اسميتها ( جنود المملكه ) وزدت كلمة المملكه مع البيت المشار اليه للجنود وهنا مثال من القصيده ومدامنـا نسـل الرجـال الشجيعيـن ..............................مـن شجـرة يفـوح زاكـي شذاهـا وهنا ايضا وجدودنـا مبطـي معـاكـم ملبـيـن ................................وحنـا نلبـي ونقتـدي فـي خطاهـا فاانت وفي سياق القصيده مدحت قبيلتك وخصصت القصيده لهم ولكنك لم تذكر القبيله في اي بيت وانا اقول لو تزيد عليها بيت في البدايه بعد الابيات الثلاثه الاولى تبين اسم القبيله لكان افضل وان كنت تقصد الجنود ( جيش المملكه ) ولم تخصص فهذا رأي اخر وان كنت تقصد بالجنود هم افراد القبيله فيجب التنويه عن اسم القبيله لكـن جنـودك محزمـك ومتحاميـن ..........................................يطرب جنابـك يـوم يسمـع عزاهـا مجرد ملاحظه ورأي شخصي وقد اعجبتني جدا القصيده وطريقه التسلسل وقوة المعنى وايراد الادله بالصور صح لسانك ياعبدالله الا مالانهايه اخوك... فيصل اللويش |
رد: يا سيدي .... جينا ندوس الثعابين
عبدالله المرشد
اهلا وسهلا بمرورك الكريم وصح بدنك مليارات وتسلم على الاطراء الجميل وعلى مفرداتك التي افتخر بها وتقبل تحياتي لجنابك . |
رد: يا سيدي .... جينا ندوس الثعابين
عبدالله عايد ،،
دهـــام .... هنا وقفه ناصعه .... بوفائها الأبيض . بجـــزالــة الحــرووف .. وتمكن الشاعر .. تعانق الغيم .. مجمـع سملـق .. بالطبايـع ردييـن ضعاف النفوس اللي تشابـه نساهـا لا .. لا .. بعد هم وين ونسوانهم وين حتى نساهم عـن شبهـم .. حشاهـا ابو عايد .. كلما ارى حضوورك .. اتأكد ان للإبداع .. موعد . بفكر ٍٍ النقاء .. وشعر الإباء . داااام هذا البوح المتوهج .. تقديري .. واحتراامي ،، |
رد: يا سيدي .... جينا ندوس الثعابين
فيصل اللويش
اهلا وسهلا بمرورك الكريم ولكن يا عزيزي انا لم اكتب هذه القصيدة تحديدا للقبيلة انا كتبتها لي ولجميع الشعب السعودي الذي كان له نظره مخالفه للارهابيين وجميعنا معكم وعنكم وراضين ..... آل السعود وما تبعنا سواها اقصد جميع الشعب السعودي وبما اني لم اكتبها تحديدا ً عن القبيلة ما يحتاج اني اذكر مسمى (الشعب السعودي) والقضية سعودية اساسا اما القبيلة فلازال في هذا القسم وبالصفحة الاولى قصيدة بثمانية وخمسين بيت عن القبيلة وهي قبيلة ليست بحاجتي ولا حاجة ابياتي ولكن مجرد مشاركة لما لهم في صدري الشاعر الرائع فيصل اللويش اشكر لك مرورك ووجهات نظرك وجمال قصيدتي في عينك يثلج صدري وتقبل فائق تحياتي لجنابك . |
رد: يا سيدي .... جينا ندوس الثعابين
الشاعر الرائع عبدالله عايد يبقى مجرد رأي شخصي فقط ان اصبت فااشكرني وان اخطأت فااعذرني ولو لم تعجبني القصيده لم انوه للملاحظه البسيطه اخوك... فيصل اللويش |
| الساعة الآن (04:51 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه