ذكرتيني وفي مخلص بعد ماعلنتي النكران = ذكرتي عاشقٍ حبك رهن قلبه مابين ايديك
ذكرتي لحظة الفرحه بعد ماعشتي الاحزان = ونسيتي لحظةٍ فيها تقولين ابتعد مابيك
نسيتي لحظةٍ فيها وضعتيني انا الغلطان = نسيتي او تناسيتي ترى هذا الامر يعنيك
انا ماعاد يعنيني ولايخفق له الوجدان = كلامك وابتساماتك ودمعك لو جرح خديك
واذا كنتي تندمتي فأنا والله بعد ندمان = أشد من الندم الي تبين لي على عينيك
انا نادم على حبٍ تبين فيه اناالخسران = يوم ان الله معميني وكل الي تبين اعطيك
وبعد ما انتي تندمتي وقاسيتي من الحرمان= ترجيني لك اتنازل لجل ترضي غرورٍ فيك
ولكني انا ارفض تلاعب واحدٍ خوان = انا عزلت عن حبك عسى رب الملأ يغنيك
انا ما ارضى على نفسي لإجل هذا الهوى تنهان = انا حر ومعي امري ولاني لعبةٍ بيديك