هلا ياطيب المنسب هلا ياطيب السيره=هلابك عد ماناح الحمام وغرد القمري
على صفر الدلال اللي لها وزنه وتبهيره=ترى حمض الرجال علومها والعارفه يدري
انا بسالك عن حالٍ تدحدر جوف دحديره=واناللي خابره ناحل كبير السن ومهذري
علام الناس مغتره معاد تقدر الجيره=وجاري معرفه لوكان جدره لاصق بجدري
ورى الرجال في حكم المره تنهاه وتديره=وحقه بالقوامه نازلن في محكم الذكري
ورى صدر المجالس للذي كثرة دنانيره=وضيف الله كلن عنه قام يقدم العذري
ورى المسكين لو يطلب نحسده حبة شعيره=وحنا خيرنا واجد يعم وبالهوى يذري
وقال انت متخلف وين غادي يالله الخيره=ترى العادات هذي روحت يالشيخ من بدري
دلالك شيلها عناتعودنا على البيره=وشيل التمر ماناكل من المكتوم والصفري
نسيت ان المره صاير لها قانون بالديره=يساويها مع الرجال ولها زود بالقدري
حقوق انسان يدعمها وانا اللي شفت تقريره=مترجم للعرب والاصل خطه كان بالعبري
ونسيت انا بزمن فيه الدراهم تشري الغيره=ومن يملك رصيد امه دعتله ليلة القدري
نسيت ان الزمن لعبه وله هجمه وتمريره=وسط غابه يدور اللعب مثل العالم الفطري
افا هذا جوابك روح ماني سائلٍ غيره=مدام اثر الحضاره تمسخ الجلده من الظفري
ترى المحضوظ من وسط الخلا يتبع مغاتيره=ويمسي خالي من الهم وسط الرقرق القفري
حضارتنا بتبع الهادي اللي وضح السيره=وعنها مانحبد وباليدين كتابه المقري
لكن اقول ياقيوم حطم يوش وبليره=غزونا بالسلاح ومانفع صار الغزو فكري
جزر مسموم ولا المدفع اللي فوق جنزيره= تخير وحده منها ولا يقبل لكم عذري

المشاركة الأصلية كتبت بواسطة بدر الحنيف نــــايـــف الثـــبــيــتــي ،،،، أهـــــلا بك ... بيننا .. ويا مرحبا .. حضوور أول .. يستحق التصفيق ... ويــــحــــمــسنا ... الى ما هـــو قاااادم .. نص .. مــلـــيئ بالأبــداع .. والــــجــمــــال ... والـتــمكن مـــن الـــمـــفرده .. شاعر ســـعــيـــد حضووره بيننا ... صـــــــــح الــــانك ولا هـــنت .. بـــانــتـــظــار الـــقـــادم كـــــل الحـــــــــــــــب ،،،