صباحكم خير ومسائكم بمثله ...
اتقدم وكلي امل بأن تقبولي اعتذاري الطويل عن ماصفحت قلوبكم البيضاء ....

ومني لكم عربون التواصل هذا عسى ان يرضي ذائقتكم العذبه ...
.
.
.
.

كنت أذكر إني بالفصيح أقرا ( لصعاليك ) القصيد=واللحين أعذر صعلكة شعري بشرح الإرتباك
(البارحه) يومك تجيني ولهفت عيونك تزيد=وتضم روحي كلها واصير نجم(ن) في سماك
(أبيك تذكرها معي) (لحظات) وأنشوف الرصيد=يومي اقول القلب لي؟! وتقول ياعمري فداك
علمتك إن (المستحيل) أحيان قطعه من جليد=تذوب من فعل الحراره تحت معنى الاحتكاك
وعلمتك إن الحب أسمى لامشى بدم الوريد=لان المشاعر جايره في ظل (ترنيمة)صباك
وعلمتك إن الشوق دايم جملته (هل من مزيد؟)=وعلمتك إني لاعشقت أعشق على روعة نقاك
تذكر ! معي ذيك الليالي .؟! يوم نحضن أيد بيد!!=وأنته تسميني الجنون وأرجع وأسميك الهلاك
لحظات عشناها سوا واللحين ترجاها تعيد=صفحات ماضي صابه التقصير والسبّه خطاك
قبل أعرفك!! كانت حياتي راضيه بسم الوحيد=أحيان أقلبها هنا!!وأحيان أقلبها هناك!!
راضي وموقن باللذي سخّره خلاّق العبيد=مرتاح بالي ولاعرفت ((الضيق)) إلا في مداك
سحرتني بعيونك الخرسات والقد الفريد=وحببتني في طيش فكرك والتلعثم في شفاك
لكنّ ماسويت فيني شي من ضمن الجديد=بــ أترك ماضي..وأحتفل باليوم الأول من لقاك
وأرجع..وحيد لغربتي ويزين لي شطر القصيد=اللي بداياته معي!!وآخر نهاياته معاك!!

وسلامت قلوبكم جميع