قصيدة........ (الرنج)
اول مشاركه لي في ويلان وارجو ان تحوز على رضاكم
قصيدة : الرنــــــــــج
يا علي ضاق البال واستضرم الشـــــوق =ما عـاد أحـس بـفـــــرحةٍ وابتهـاجه احسنـــي من جــــو ألا فراح مســــروق =والنفـس لايـجهـا عــن الــزاد لاجــه عمري غدا للبيت والشغــل والســـــــوق =يا الله دخيـلك مـن حـياة السـمـاجـه أمسى ويمسيـــني من الـهــم داقـــوق =شي ٍ دعى اضلوعي لهن ارتـهـاجـه اطرق وعانق لــي مع الفـكـر طــــاروق =واخـذ في الدنـيــا سـفـــر وادراجـه اســــج وغيـــّب عن الــوعي وافـــــوق =ومن تاهـت دروبه على الله خراجه أعيش ليلي بـيـن سابـق ومــســــبـــوق =عـسى الـفـرج له بالصباح انـبلاجـه واصــبح وآنا متــولع الــبـال واتـــــوق =بعـــدٍ عـن الديره وكــثر الـــلـجاجـه اركب علىاللي لامــشى تقل مـلحــــوق =رنــــجٍ يـــنهــــج للـــوازم نهــاجـــه يحمل يابو وجدان في رفـرفه طــــــوق =عـلامـة الجـوده ورمـــــز الــخـواجــه شاريــه يارع الـــولع طـــاق مــطبــــوق =تـــوّه طلـــع في جدته من كـراجــــه لـــقــبـل وهــو يــمــشي ومـترفعٍ فوق =كـــنّــه نـــحـــر مزيونةٍ فـيه عــــاجه غــمارته عرشٍ مصــمـــــــم عـــلــى ذوق =مــايـحــــس ركابه تعب وانزعـاجـــه مشيّه غـنج ياخذ مــطــباتـــه ارفـــــوق =كــن المـطب يـــزود مـــشيّه غناجه اليا عطى خــطٍ من الـــوِيــــل مـــطروق =بــقــفــايـــتــه كـــنه يسابق عجاجه والعــــصر كــــان الله فـكّه مـن الـعوق =ابشرت بالـمــمـسى وحلو الـمــــواجه في دار ابن ريّض عـلي راعــي النـــوق =خفــيـف نـفـس ويحرجـك بالهجــــاجه في مجـلسٍ بـــه طــيّب البن مـســـــيوق =في دلــةّّ ماحـافــهــا العــم خــــاجــه راعي كرم ضيفه مـــع الجـزله وفــــوق =عشـــاه حايـــل مايقـــلط دجـــاجـــه المدح لـــلي مثــل ابــن ريـــّض يلــــوق =يفـــداه خــبلٍ فيــه كبــــر ورجـــاجــه عـقب العشى تحلى السواليف وتـــروق =بين الـقـصــيد وبـــيــــن ضحكة حجاجه ضـنـي يـحس بخـاطري شــي مفـــهـوق =أكـــيد يـــدري آنــي نصيته لـــحــاجه ابشتـــكي له وابــــدي السّــــر مرفوق =بآبيـات دكـــتـورٍ عــجــز عن علاجــه يا علي آنا من فعـل الأيــــام مـــــدروق =الحـــض سامـــوح الــصواديف عاجـــه العالـــم الله كــل ما خـــايــــل ابـــروق =من يم نـــجد أحس فــيـــني خــلاجـــه والله لــــو ما جــــوّد الــقلب مــعـلــــوق =انه ليكـفــخ مــثــل كــفــخ الــزراجـــه خوفي من اللي صار تحدث به فـتـــــوق =تثر به الــــــلــــــــوعه مرض وانفــلاجـه ولا يصير من أشهب الـوجد مـحـــــــروق =يــطفي كـــمـــا لــيــلٍ طفى به سراجـه وياعلي كان إن الفضاء بعيني يضـــوق =الله يــفـــزع لـــي بـــســـــــرع انفراجـه |
رد: قصيدة........ (الرنج)
سعد الحميداني
والله ماقصرت بهذى الرائعه وبصراح جزله من جزل بيض وجهك وصح لسانك |
رد: قصيدة........ (الرنج)
.
الله الله عليك اخوي سعدا لحميداني اقف اعجابا لهذه الشامخه راااااااائع ومليووووووووووون راااائع اصفق لك اعجابا وابتهاجا بهذا الحضور المثري لله درك ما اروعك من شاعر جمعت دقة الوصف وروعته..وجزالة القاف صح لسااانك ملياااار انا اشهد انك ابدعت اعجابي هنا |
رد: قصيدة........ (الرنج)
الشاعر / سعد الحميداني
أهلاً ومرحباً بك بيننا وانه لشرفً لنا تواجدك معنا وصح لسانك يالغالي وسلم بنانك على هذه القصيده الرائعه واللتي قدمتها لنا بكل روعةً وجمال أمتعتنا بطرحها الرائع وسلاستها المتناسقه وكلماتها الخلابه ومعانيها الساحره لله درك يالغالي على هذه الجزاله وسلمت ودمت ودام بوحك الراقي وتقبل فائق التقدير والاحترام |
رد: قصيدة........ (الرنج)
صح السانك
سعد الحميداني لا هنت على هالقصيده الرائعه بالتوفيق |
الله الله عليك يا/ سعد الحميداني أبيات راائعة متميزة في قصيدة جزلة وقوية يعطيك العافية شاعرنا وصح الله منطوقك وفكرك دام حضورك تحياتي هيــــاااا |
رد: قصيدة........ (الرنج)
الاخ الشاعر الصحفي : سعد الحميداني
أهلاً بهذا الحضور الرائع الذي يتضمنه العذوبة والابداع بهذه القصيده التي تستحق الاشاده والاعجاب صح لسانك وتعلا شانك فلا تكن بعيداً حتى نقراء ونتعلم مما تكتب لك جل التقدير والاحترام |
| الساعة الآن (08:36 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه