بسم رب الناس والكون العظيم=واحـد لـجـلـه يصـلـون الــورا
لاإلــه الا انـت يـارب الـعـلـيـم=تعلم اللي في خفا صدري طرا
راكب اللي كن زوله زول ريم=ارثـم من قـدم وافحـج من ورا
ولاعرض لك ياودود ويارحيم=تـقـل مـزنه واقـفـه فـوق الثـرا
وان تمشى مشية الشيخ الحليـم=او تـقـل ضابـط يمشي عسكرا
جيب لند كروزرٍ وصفه عديـم=يـعـجبـك باللـيـل لامنـه ســـرا
السرنـدل تقل حضوٍمن جحيـم=والبـسـاتـم تـقـل آلــه تـحـفــرا
لاركبته واستعذت من الرجيـم=من عقب تـغـيـيـر زيتـه التــرا
ثم عـدلته عـكس هـبات النسيم=ولـو يعكـس الريـح عنـه مادرا
وانتهض مع خطٍ يحط الـحزيم=أيـمـنـه والـجـوف خـلاه ايسرا
ناحـرٍ دارٍ بـهـا الـعـاشـق يهيم=الحسن والزين والقاع اخضـرا
وفي سماهاغالب الاوقات غيم=لاتـداحـم بأمــر ربي يـمـطــرا
لاحـلـلـت بها تقول اني زعيـم=مامـعـه بالــدار حـكـام خـشــرا
يامـر وينهي وحـكـمه مستديـم=ولابـغـالـه امــر واحــد صـدرا
كـلِّ ماتـطـلـب مـلبَّـا بالصميـم=والمصيبه ذاك ابـو خـدّ احمـرا
ياحلو جلسة معـه وقت العتيــم=لـو يقولـون الـعـرب ذا منكـرا
ولِّ يا لـيـلٍ قـضـيـتـه من قديـم=ماعـرفـت ديـار صـنـّاع الفِـرا
دالـه مابـيــن حايــل والقصيــم=ماشـغـلـت الـبـال ويـلـذّ الكـرا
ماعرفت تغنـج الورع وغشيـم=في خـدودٍ كـنـهــنّ الـمـرمــرا
ليـن ساقتني مـقـاديـر الـكـريـم=يم دارٍ حـسـن اهـلـهـا يسـحـرا
اشهد انها تسحر الورع الفطيم=انـشـدوا مـن كان بالـدار خبـرا
ياهـني اللي لـهـا جـار حـشيــم=كـل مازادت هـجـوسـه سـيـرا
يالـلـه اني بـسـألـك إنـك تـديـم=عــافـيـتـنـا والأمـور تـيـســـرا
والصلاة على محمد عد ديم=يطلع من القاع نبت وشجـرا