جتكم قصيدة المجنونه يعيال وايل
السلام عليكم ورحة الله وبركاته اتمنى تقبلوني كشاعر بمنتداكم ما ابي اطول بكلامي لاكن اقبلومني هالقصيده واسمها (( المجنونه )) القصــــايد كل ابوهـــا تـــنكتب لعيـــونه اتـركـولـي هالقصــيد دام شـفت الـدانـه والله لا اكتب لك قصيده واسمها المجنونه افـرحي يـابــنت دامــك جــيتي بميدانـه والقـــوافي في وصوفك جبتها مـوزونـه جــبتها لأجل العيــون الحـالمه النعسانـه واسئلتني عن حـــبيبي قـــايله وشلونــه قـلت انـا هـي في غرامي يابشرهيمانـه جـــادلن هـــزة كياني جادلـــن مــزيونـه جــادلن والله تــشبه فـي غـصين البانـه يــوم شفته وابتسملي يــابياض اسنــونـه ياحــلاته بـأبتسـامـه والشفــا ذبــلانـه والخــدود اللي ذبحتني بالصفى من لونـه زيــنه بــوردن تـفتح في خــدود افلانـه والحــــواجب مــايله بالطــــرف مسنــونـه كــنهن قــوسن تــميز صــانعه بأتقانـه وبالجســـم ربي خلقهــا فــاتنه مـفتـونـه بـالتناســق في حلاهـا ضامــره مليانـه ولا لبسلـــي ثـــوبه اللي مطـرزات ردونـه مــاصعب مـتنه يـــدفــه دفــه برمـــانـه ودامهــا للحــب بـنــتن صـاينــه مصيـونـه تـبشـر بـقلبن تعلق في هوى الريحانـه اتمنى تعطوني رايكم بصراحه ما ابي المجاملات واذا فيه غلط علموني ترى توني ببداياتي الشعريه اخوكم بندر كحيلان انا وايل وابن وايل وربعي من السباع عنوز $$$$$$$ وحق ان الرجل يفخر وجنبه ربعه عنوزه |
رد: جتكم قصيدة المجنونه يعيال وايل
اخوي بندر
بما أنك صرحت وأمام الجميع انك تريد البعد عن المجاملة وبما انك طلبت مني برسالة خاصة أن ارد على القصيدة وبدون مجاملة القصيدة نسبيا جيدة وبها اخطاء بسيطة يمكن تلافيها إن لم يكن الآن .. بالمستقبل والحــــواجب مــايله بالطــــرف مسنــونـه :<<<<<< الشطر هذا في خلل وكذلك لديك مشكلة الخلط بين التذكير والتأنيث مثـــــــــــــــال .... القصــــايد كل ابوهـــا تـــنكتب لعيـــونه اتـركـولـي هالقصــيد دام شـفت الـدانـه -- والخــدود اللي ذبحتني بالصفى من لونـه زيــنه بــوردن تـفتح في خــدود افلانـه _ يــوم شفته وابتسملي يــابياض اسنــونـه ياحــلاته بـأبتسـامـه والشفــا ذبــلانـه _ ولا لبسلـــي ثـــوبه اللي مطـرزات ردونـه مــاصعب مـتنه يـــدفــه دفــه برمـــانـه هنــــــــا وفي البيوت السابقــة فأنت تخاطب مذكــــر _______________________________ والله لا اكتب لك قصيده واسمها المجنونه افـرحي يـابــنت دامــك جــيتي بميدانـه _ واسئلتني عن حـــبيبي قـــايله وشلونــه قـلت انـا هـي في غرامي يابشرهيمانـه _ جـــادلن هـــزة كياني جادلـــن مــزيونـه جــادلن والله تــشبه فـي غـصين البانـه _ وبالجســـم ربي خلقهــا فــاتنه مـفتـونـه بـالتناســق في حلاهـا ضامــره مليانـه _ ودامهــا للحــب بـنــتن صـاينــه مصيـونـه تـبشـر بـقلبن تعلق في هوى الريحانـه وهنــــــا أنت تخــــــــــاطب مؤنـــــث وطبعا الخلط بين التذكير والتأنيث من الامور التي تسبب ضعف فالقصيدة وتفقدها جرسها الموسيقي الجميل _____________ كذلك هنــــاك مشكلة في البيت قبل الأخير وبالجســـم ربي خلقهــا فــاتنه مـفتـونـه بـالتناســق في حلاهـا ضامــره مليانـه هنا كلمة مفتونة ليست بمحلها الصيحيح إطلاقا حاول ان تعوضها بأي كلمة اخري فلما نقل فاتنة بجسمها فذلك صيحيح ولكن ما الفائدة او ما الصورة التي تريد إيصالها عندما تقول في جسمها مفتونة ؟؟؟ طبعا ليس هناك أي صورة ___________________________________ اخوي بندر ... اول اشكرك على شجاعتك وتصيريحك بالبعد عن المجاملة التي أنهكت كاهل المنتديات عامة وصدقني يا بندر أن قصيدتك جميلة وانت كذلك جميل وسوف تتغلب على كل هذة المشاكل ببساطة وانا اجزم بذلك هي فقط للذكرى اخوك مطلق تقبل تحياتي |
رد: جتكم قصيدة المجنونه يعيال وايل
مشكووووور وماقصرت اخوي مطلق على هالنقد
لا كن ما اعتقد ان مشكلة التذكير والتنيث هي مشكله دئما يكون المخاطب بالغزل من الرجل المرأة والقافيه تجبرك ببعض الاواقت بالتذكير وتخطب الانثى على انها ذكر من باب الملاطفه مثل قصيدتك الاسمر الجذاب كانك تخطب رجال لاكن المقصود انثى هذي شغله والشغله الثانيه لو تلاحضظ بالقصيده بالبدايه اخاطب مذكر تقريبا لنص القصيده بعدين بديت اخاطب مؤنث وانت تعرف ومن الاساس اللي يقراء القصيده يعرف انها غزل والجميع يعرفوون فيه ضرورت شعريه تخلي الشاعر يكتب بهالطريقه هذي انا ما انكر الخطاء الوزن البسيطه على شان انا كنت مستعجل بكتابتها ومشكور اخوي على نقدك وانا اقولك ياخوي في بداياتي ويعطيك الف عافيه على صراحتك معي |
رد: جتكم قصيدة المجنونه يعيال وايل
اخوي جميل ان الانسان يبحث عن الصراحه وهذا مبدأ الشرفاء
فكم رقى شاعر بسبب المجااااملة وكم وكم وكم وانا اعتبر ملاحظات مطلق قيمة وبمحلها والى الامام اخوي وودي اسالك اخوي مطلق وش معنى توقيعك اذا مافيها بجاحه وتقبلووو تحيتي |
رد: جتكم قصيدة المجنونه يعيال وايل
اخوي بندر العنزي
عذرا على دخولي للمرة الثانية وارجو ان تتحملني انا لم اقل ان المشكلة بالتذكير وبالثأنيث .. أنا اقول المشكلة فالخلط بينهما وأما كلامك عن قصيدة الاسمر الجذاب .. انا اخاطب مذكر من بداية القصيدة حتى نهايتها ولم اخلط وعموما أنا اعتذر لك بشدة على تطفلي على قصيدتك والوجه من الوجه أبيض يا بناخي تقبل تحياتي |
رد: جتكم قصيدة المجنونه يعيال وايل
بندر العنزي يامرحبابك الف انا مابي اقول شي
الا صــــــــــــــــــح لســــــــــــــــــــــــــــــــاااانــــــك،،،، ،،،،،، |
رد: جتكم قصيدة المجنونه يعيال وايل
اخوي مطلق انا مازعلت منك بس كنت ابين وجه نظري يمكن اكون مخطي ويمكن اكون مصيب
بس هذي زبت الكلام اخوي لا والله منك نتعلم بس قلت ابين وجهة نظري بالقصيده صراحه اقولك انا توني عليمي بالشعر وكان تفكيري بالقصيده وزن وقافيه بس بصراحه انا مخطلت مع مع شعار على شان اتعلم منهم لا كن انشالله نتعلم منك ويعطيك العافيه |
| الساعة الآن (12:22 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه