دق جوالي نهار الجمعه بوقة العصير = شلت انا الجوال وبغى الجديد من العلوم
قلت اناللمتصل مرحبى عساه خير=وش جديدك ياالسنافي بعد دق الرقوم
قالي المتصل فيه علمن لك خطير= امسك اعصابك ترى الوقت والله مايدوم
قلت عطنى العلم يبغى يصير اللي يصير =في ضميري من كلامك مثل طعن السهوم
قال تدري عن رفيقك هاك الطيب بشير =قلت مدري عطني العلم يكفيني هموم
قال هذااليوم صلوهاك الجمع الغفير= خلف جثمانه عسى الله في عونه يقوم
قلت غير في كلامك وقلي هرج غير =قول ليه حلم واللي حصل كله حلوم
قال هذا الصدق مابه قليل ولا كثير= بس اطلب ربك اللي على عباده رحوم
بعدها هلت عيوني من ا لدمع الغزير = والعيون تحارب النوم لامافيه نوم
قلت يانفسي باعزيك معروف المصير = حكمة الله في عباده ولانقدر نلوم
وطلب الله اخر الليل وركع وستخير = ياعساه بجنة الخلد مايبقى محروم