الامير فهد بن سلطان
قصيدة بمناسبة حضور سيدي صاحب السمو الملكي
الامير /فـهـد بن سـلـطان بن عبد العزيز آل سعود إلى محافظة تيماء وضواحيها ولقد القيتها على مسامع سموه في الحفل الترحيبي المقام بالمحافظة
بـاسـم الاله اللي عليم في مغيبات القدر= الخـالق المعـبـود سبـحـانه لـكـل امـر قـديـر اللي ينزل من بياض الغيم ومزونه مطر= اللي عـباده مـن عـذابه تـستغـيث و تستجـير إلهي انت اللي خلقت انواع واصناف البشر= فـيهـم امـيـر المجـد و العـفه ولـلذمة سـفـيـر وخلقت فيهم سيدي تاج الرجوله والفخر= فـهـد ولد سلـطان تاج العـز والمجـد الكبـيـر نسل الرجال اللي لهم بالوقت موقف معتبر= استغـفر الله! ما هـو بموقـف مواقـفهـم كـثـيـر عيال عود لا تكلم يرتجف صم الحجر= عبد العزيز اللي يفرق سيفه الجمع الغفير اخوان نوره مرويين السيف بالدم الحمر= منـكـليـن عـداهـم الغـاديـن بالسـيـف الشطيـر سووا من عداهم مع التاريخ للعالم عبر=عبرة لمن تغويه نفس الشرالى سوء المصير يا سيدي جيتك وانا في خاطري علم وخبر= جيتك وانا فكري سبق سني لاتحسبني صغير شاعرواصوغ بهاجسي شعري على وزن وبحر=ويسهل علي القاف يوم انه على غيري عسير لك قدموني كل اهل تيماء وانا كلي فخر= قالولي اشكر شخص حاز المجد والاسم الشهير اشكره باسم الباديه واهل المدن واهل الهجر= و انت الوحيد اللي من الشعار بالوقـفات غيـر قلت اشكره! والله مايجزنه عبارات الشكر=هــذا فـهـد قـدامـنا وحـنا عـلى نـهـجـه نـسـيـر وصفه صعب لكن اقول بهرج وافي مختصر= حـكيم راي وسـيرته بين العرب خـيره وخيـر يا سيدي لو رد فضلك بالقصايد و الشعر= يـشهـد عـلي الله لاكـتب ليـن مثـواي الاخـيـر انت الامير اللي تغنى بسيرته كل البشر=يا ماسـح دموع الـيـتامى وجـابـرٍ حال الـفقيـر يا ميرنا اللي مبدئه تقريب وجهات النظر=تقريب وجهات النظر بين المواطن والامير يا محارب درب الظلاله والجهاله والفقر=يالـلي سعـيـت لـنـشـر دين الله والعلـم المنـيـر يا راعي النوماس بين الناس يا اغلى بشر= يا اعز من يمشي على الدنيا وباقدامه يسير يا سيدي حنا حزامك بالزمن طول الدهر= معك معك لا ثارت الهيه يصير اللي يصير امر وحنا كلنا طوعك بتنفيذ الامر=رهن الاشارة لو تروح ارواحنا ما هو كثير يا سيدي لو جيت اعبر لك عن اللي بالصدر= يبغا لي اكتب لين ما يطلع على الدنيا نذير الناس قالوا حكمة اهل الشعر دلل واختصر= إلا انت ما يكفيك من شعري قليل من كثير لكني ادعي كل ما يطلع علي نور الفجر=يالله تطول لي بعمره يا سميع ويا بصير الشاعر/ مشعل غريب العنزي |
فهد معزي
اقتباس:
اتمنى ان اكون احد الشعراء المفضلين لديك مشعل. |
تسلمون على هذه الاشادة الجميلة ومشعل الضوي ما هو الا واحد منكم وفيكم ويعطيكم الف عافيه
|
اقتباس:
وانا فخور بانظمامي تحت سقف هذا الصرح العظيم الذي يظم الكثير والكثير من المبدعين اتمنى ان اكون من الاعضاء المميزين في هذا المنتدى وشكر جزيلا لك ولجميع الاعضاء والمشرفين،،،،،،، مشعل الضوي |
اسف جدا على تأخري ،ولكن لا يخفاك اخوي عبدالله ما الاسباب، ومشعل الضوي فخور بهذة الشهادة من الناقد والمشرف المبدع عبدالله الثابت ؛
وانا ممنون لك بهذة الاشادة الرائعة، عبداللة ثق تمام الثقة بان مشعل الضوي ما هو الا فارس من فرسان هذا المنتدى،وبكل صراحة مايقدمة عبدالله الثابت من تغطيات لكل جديد في الساحة الشعبية شيء مشرف و مطمئن لجميع اعضاء منتدى ويلان من شعراء ومثقفين ومتابعين لان الذي اتضح لي في ما مضى ان عبدالله الثابت وجميع المشرفين منصفين لكل عضو لا سيما المشاركات التي تقام خارج المنتدى شكرا جزيلا اخوي عبدالله والشكر موصول الى جميع اعضاء ومشرفي منتدى ويلان. مشعل الضوي. |
ما شاء الل عليك يا اخ مشعل على هذه القصيده الرائعه وصح لسانك والله يوفقك وارجو منك ان تشاركنا في مثل القصائد الجمليه وشاكرين لك
|
اقتباس:
و يعطيك العافية. مشعل الضوي |
| الساعة الآن (01:52 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه