أتعبني الترقيـم مـن سـوق فـي سـوق = كنـي موظـف فـي حراسـات الأسـواق
لزقـت فيهـا لزقـة علـوك ( باطـوق ) = حتـى عرفنـي كـل بـايـع وســواق
مـن شافنـي يقـول تاجـر ومـرمـوق = في اللبـس انـا رسمـي ورايـق وذواق
وانـا منتـف فـي الحقيقـة ومـزنـوق = حظـي مجنـب بـي عـن دروب الأرزاق
عقلـي مـن الخفـرات لاذع ومـحـروق = من يفتحـون السـوق وانـا علـى سـاق
الحـق بنـات النـاس هايـم ومطـفـوق = ومخبـاي مليانـه مـن أركــان الأوراق
شبّكت ( هند ) و( ريم ) والثالثة ( شوق ) = والرابعة والخامسة ( نوف ) و ( أشواق )
دايـم وجوالـي علـى الآذن ملـصـوق = محبوبتـي مـا تحتمـل بعـد وإفــراق
تقول ( ثامر ) وإسمي الصدق ( مـرزوق) = لا يابعد ( ثامر ) و( مرزوق) و ( إسحاق )
ألعـب عليهـا لعـب عاشـق بمعـشـوق = وأبنـي بـراس الحلـوه جسـور وأنفـاق
هذي سلوم أهل الهوى كلها بـــوق = أكثر ضحايا الناس في الوقت عشـــاق