(( الوايلي سالم نهاية مناضي)) (( سالم الجهبل))
السلام عليكم ورحمة الله وبركاته (( العذر كل العذر عن الغياب الا إرادي الذي سيتم الاعلان عن سببه قريباً إنشاء الله)) واتقدم بهذه الابيات التي ارجوا ان تنال الرضا لتشفع للغياب الحاصل وهي موجهه للأخ فهو اخ عزيز الاخ والشاعر / سالم الجهبل
سر يا قلم واكتب ترى فكرنا هاض = سجل ودون دامه اليوم هاضي سجل كتاب(ن) ناضمينه على (آض) = من بدعنا والقلب بالقاف راضي يمليك فكر(ن) بتماثيل ما جاض = ساسه من الفولاذ ماهو نقاضي نبداه وننقيه عن كل نقاض = بالخالق الخلاق للخلق قاضي الواحد المعبود للدين فراض = باسمه ولا غيره سماء الارض ياضي مرسل نبي(ن) للمخاليق وعاض = ماغير قوله قول بالكون ماضي ومن بعد ذكره ياولد مد لا تراض = فوق احمراً كنه كروز اعتراضي اربع ميه وخمسين للخط قضاض = ماغير نوعه نوع بالعين ناضي ليا دست بنصه ثم بخطوطها ناض = كن النجوم لمكرت الجمس تاضي ملفاك ابو عادل ذرى كل جضاض = الوايلي سالم نهاية مناضي حر(ن) ولد حر(ن) به الطيب نهاض = مثل الجبل راسي حيوده عراضي قله ترى ابن دهام بالوقت مغتاض = تلاطم امواجه ولاهو متغاضي قله بوسط الروح حدين مقراض = باسبابهن ياخوك فاضت حياضي الجار عن جاره قطع سبعة فياض = وليا نصحته ثم بالحق خاضي ورجل تشوفه بين(ن) بالدمس ياض = وليا نخيته مايسد المقاضي وبعض البشر لمواصل الرحم نقاض = ياحيف ياجسم(ن) من العقل فاضي انشدك ياسالم ترى سدنا فاض = فيضت شعيب(ن) سيله اليوم فاضي وش علم خلق الله غدت دارها انقاض = من عقب ماهي بعاليات الاراضي تمت على المختار والقلب ماراض = يتنا جواب(ن) خاتمينه على (آضي) |
الاخ الشاعر / سعود المطرفي شاعراً فقدناه كثيراً وأفتقدنا قصائده وروائعه اللتي كنا نستمتع لقراءتها وجمال طرحها غيابً طال وأنتظاراً طال وها هو يعود لنا بهذه الرائعه اللتي زادت سماء ويلان بروعتها وجمالها شاعراً كتب لنا أجمل وقدم لنا الاجمل وطرح لنا الجمال هنا بروائعه الفذه أخي / المطرفي ربما هذه القصيده تشفع لك هذا الغياب بما تحمله من قوه وروعه ولاكن لاعذر بعد الان لانك مما نستمتع بطرحه وجمال كتابه وحظوراً دائم أنشاء الله والشاعر / سالم الجهبل يستاهل ما كتب له ونحن بأنتظار رده قريبً أنشاء الله صح لسانك وسلم بنانك ودمت ودام صفاء طرحك الرائع وتقبل فائق التقدير والاحترام |
اقتباس:
دمتم بخير |
تركي الصالح صح بدنك طال عمرك ومايفقدك غير مغليك والله ياتركي الود ودي اكون حاضر بجميع الاوقات بس والله وانا اخوك عندي امور تسر كل عزيز نعزه ويعزنا وراح نوافيكم بها قريباً انشاء الله وابو عادل يستاهل كل خير وهو من الناس شرواكم اللي نعتز بردودهم ومهما قلت ياتركي تبقاء كلماتك راجحه في ميزان الابداع تقبل احترام وتقدير اخوك ســــــــــعود |
عبدالكريم العنزي صح بدنك طال عمرك وابو عادل يستاهل كل خير وانتم تستاهلون كل خير بعد وترانا تونا ياعبدالكريم ماوصلنا هالمرحله شعراء مبتدئين وماكبير الا العزيز سبحانه تقبل احترام وتقدير اخوك ســــــــــعود |
صح السانك
تقبل تحياتي وتقديري |
الشاعر / سعود المطرفي
صح الله السانك جزله من راس جزل |
| الساعة الآن (07:16 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه