راكب من عندنا بنز جديد = الوكيل جفالي وهو لونه خضر
بالمراكب دايماً هو العنيد = وللسفر ياسعود يصلح للسفر
سايقه معروف رجالا شديد = لانوى يجزم ولايعرف الخطر
مايعرف الخوف قلبه من حديد = لو محوط بالخطر قلبه حجر
اصبر ابرسلك يم رجلا بعيد = بالقصيم وديرته فيها اشتهر
لاابو هلال اليوم الرجل الزهيد = الى اسمه ذاع مابين البشر
بالشهامه والكرم دوما يزيد = وبالخطر واقف للربعه للخطر
ونسل رجالاً مايتهنى من تصيد = ونسل رجالاً بالمعارك تنتصر
المسكه رجلهم رجلا شديد = العدو لوكان لازم ينكسر
ذا قتيل وذا مقيد بالحديد = بعزيزين الجار كلا يفتخر
ماقوله مزح ذا علما أكيد = يشهد التاريخ وتشهد البشر
وبعدها اوضحلك الأمر الجديد = وانت مايخفاك امراً ينحشر
الرخوم اليوم صاروا صناديد = عقب ماكانوا هم اضعاف البشر
ونافخين الكير كلا صار سيد = بالمراكب والمناصب يفتخر
واليوم حنا عندم مثل العبيد = حنا طمنا وهم وصلوا للقمر
ساترتهم نعمة من المجيد = ونافختم وحدة ماهي بشر
خلت العفن ايتمنى مايريد = كل مامر ديرة يبنيله قصر
وضيعت بسبابها رجلا شديد = عقب ماله كلمة بين البشر
خلته فى المجتمع كنه بعيد = كن عايش سجن والا قبر
وابو هلال علتي والله تزيد = من بلاوي دنيتي منها انقهر
والمشاكل كلها من امر وحيد = دنيت هي علتي وهي القهر
ويش ارجع ياابوهلال ويش اعيد = وقفت فى دربنا بسر وجهر
وان صبرنا مدة ماظنه يفيد = وش يفيد العمر لاطال الصبر
واتحرى كل شهر فيه عيد = وللاسف يمضي الشهر خلف الشهر
تلعوزنا وبعضنا باع الحديد = وبعضنا يرجي من الله وينتظر
لعنبوها حالةً متى تبيد = واتخلص من همومي والقهر
وصلاة ربي على المرسل للعبيد = الرسول المصطفى خير البشر