قد تعذبت اشتكي محد(ن)سمعني=قد صرخت من الألم والكل سالي
من يصدق ان محبوبي طعني=من يصدق خانني بالحب تالي
كنت دايم محسن(ن)بالحب ظني=ماحسبت حساب دورات الليالي
آه ياجرح(ن)سطى فيني ذبحني=آه يادمع(ن)جرى عالخد سالي
آه ياوقت(ن)ضحكلي ثم خدعني=آه ياوقت(ن)مع خلي مضى لي
كيف بصبر والزمن معها ظلمني=كيف وانا اعطيتها الحب المثالي
كنت اظن احيان محبوبي سحرني=من كثر ماني افكربه لحالي
كنت اسامح واتناسى لوجرحني=معمين عيني وقلبي مايبالي
(من كثر ماني احبه راح عني)=(من كثر ماابغاه دوّر له بدالي)
كانت احلام المحبه معميتني=مااناظر غير احلامي قبالي
لا خداع ولاخيانه تمتحني=غير اخلاصه معي ماقد طرالي
والله اني كنت لعيونه اغني=(اصعد جبل فدوه لعيون الغالي)
واخلفت فيه الليالي كل ظني=شوف وينه منزله عقب العلالي
كيف ياعالم عقب هذا تركني=وش حصل له من عقب ماهو صفالي
سولفوله عن طبيب(ن)شال سني=بقلعه مثله ولو هو راس مالي