يجيك واحدهم معه رمح ابو زيد= يطعن وهو وقت المراجل زلابه!!!
السلام عليكم
اليكم مع التحيه
جعل السحاب اللي سقى صحصح البيد= يروي قلوب من عناها خرابه عقب الحسد والحقد والزور والكيد= ينبت بها عرق الغلا والحبابه ياما بها الدنيا هدوس ونماريد= تلعب على متن اللعين الربابه تعازمو على حلال الاجاويد= تكالبو على حقوق الغلابه تفرعنوا صبو غضبهم عناقيد= كانو كلاب وثم صارو ذيابه يجيك واحدهم معه رمح ابو زيد= يطعن وهو وقت المراجل زلابه عربيد واطي ينطح الفين صنديد= وما دام في هذا الزمن لاغرابه حتى القرايب بين كره ومناقيد= من عقب ماكانو ربوع وقرابه ياشيخة الخفرات يابا شة الغيد= ياشمعة كلك شموخ ومهابه يابسمة الاطفال يافرحة العيد= مالك ومال المشكله والطلابه الستر زين وما يبي زود تمجيد= وبعض البشر ما يسترنه ثيابه خوذي مثل عندك نجاح اال.....؟= تصدح بصوت مثل صوت السحابه يسمع لها وسط المجالس تناهيد= صفق لها الجمهور عطف ونجابه بس الحقيقه غير من غير تحديد= ان الحيا نعمه وزين وذرابه ولا تعجبين بشعر بعض القواصيد= اللي لهم وسط المحافل خطابه بعض الشعر خلطة حروف وتفاريد= اول قصيد وثم عود قلابه بعض قصيد الجيل طق وزغاريد= شي يقال وشي ما ينحكى به الشعر سلطان الشيم والتقاليد= الشعر ميزان الفخر والرحابه |
الشــاعر المميــز / محمد لطيــف صــح لســانك , قصيدة في منتهى الروعة , مفعمة بالجزالة وقوة المعاني ياشيخة الخفـرات يابـا شـة الغيـد ياشمعـة كلـك شـمـوخ ومهـابـه يابسمـة الاطفـال يافرحـة العـيـد مالـك ومـال المشكلـه والطـلابـه الستر زيـن ومـا يبـي زود تمجيـد وبعـض البشـر مـا يسترنـه ثيابـه خوذي مثل عنـدك نجـاح اال.....؟ تصدح بصوت مثل صـوت السحابـه يسمع لهـا وسـط المجالـس تناهيـد صفق لها الجمهـور عطـف ونجابـه بس الحقيقه غير مـن غيـر تحديـد ان الحيـا نعمـه وزيـن وذرابــه رائــــــــــــــعة تشرفت بأن أكون أول من يصافحها محمد لطيف بحق أنت شاعر عملاق , سأعود لقرائتها فهذه القصيدة تحمل معاني كبيرة... لك خالص الود وأرق التحايا , دمت بخير |
اقتباس:
الشاعر القدير الرائد طيار / محمد لطيف البجيدي تحيه طيبه وصح لسانك
ياما بها الدنيا هدوس ونماريد= تلعب على متن اللعين الربابه تعازمو على حلال الاجاويد= تكالبو على حقوق الغلابه تفرعنوا صبو غضبهم عناقيد= كانو كلاب وثم صارو ذيابه أيوالله حلال الأجاويد حسبنى الله ونعم الوكيل.
حتى القرايب بين كره ومناقيد= من عقب ماكانو ربوع وقرابه
لاهــــــــــــــــــــــــنت ابوفيصل
ياشيخة الخفرات يابا شة الغيد= ياشمعة كلك شموخ ومهابه يابسمة الاطفال يافرحة العيد= مالك ومال المشكله والطلابه الستر زين وما يبي زود تمجيد= وبعض البشر ما يسترنه ثيابه أسمح لي أن أقول أنت ممبدع بدون مجامله.كذالك سلّطك ألله على من لايخافه ولايرجيه.دام نورك أبو فيصل وحرفك الراقي.واكثر الله من أمثالك ولاعدمناك.
بس الحقيقه غير من غير تحديد= ان الحيا نعمه وزين وذرابه
أخوي الرائد طيار/محمدلطيف البجيدي.كلي أسف تأخرت عليك بالرد كان أشتراكي غير مفعل.عذراً و لك مني كل الود والتقديرولأحترام .وتقبل تحياتي |
اخوي الغالي محمد الطيف ( ابو فيصل)
والله يعجز الرد عن التعبير أبيات رائعة قريتها اكثر من مـــــــره اسلوبك فريد ولك حضــــور مميز بدون مجاملة كتبة فـــــــأبدعت الى جــــــــــديدك القادم انشالله وصح اللسانك ملايين اخوك عبدالله المعزي |
اقتباس:
ياسلاااااااااااااااااااااام وعزالله مامن قصور كفيت ووفيت يالقرم وبيض الله وجهك وعلا مراتبك بالدنيا والآخرة وصح صح صح السانك حتى يغمى عليك ولاهنت يالسنافي اخوك متعب المضعان |
شاعر الجزاله والمفرده الرائعه محمد لطيف صح لسانك على هالابداع الدائم عندما اتصفح اي قصيده من قصايدك اجد الاحساس الشعري الصادق ترابط شعري مكتمل بين بيوتك وابداع في قمة الروعه والتصوير ولازالت ذاكرتي تتغنى في قصايدك في ذالك الليل البهيج عندما ابهجتنا في ذالك الدرر المنثوره انت والشاعر مطلق النومسي تقبل تحياتي واعجابي |
الاخ العزيز محمد لطيف تحياتي لشخصك الكريم وقصيده رائعه
بـاشــة الـغـيــد جعل السحاب اللي سقى صحصح البيديـروي قلـوب مـن عناهـا خرابـه عقب الحسد والحقد والـزور والكيـدينبـت بهـا عـرق الغـلا والحبابـه يامـا بهـا الدنيـا هـدوس ونماريـدتلعب علـى متـن اللعيـن الربابـه تعازمـو علـى حـلال الاجـاويـدتكالبـو علـى حـقـوق الغـلابـه تفرعنـوا صبـو غضبهـم عناقـيـدكانـو كـلاب وثـم صـارو ذيابـه يجيك واحدهم معه رمـح ابـو زيـديطعن وهو وقـت المراجـل زلابـه عربيد واطي ينطـح الفيـن صنديـدوما دام فـي هـذا الزمـن لاغرابـه حتى القرايـب بيـن كـره ومناقيـدمن عقـب ماكانـو ربـوع وقرابـه ياشيخة الخفـرات يابـا شـة الغيـدياشمعـة كلـك شـمـوخ ومهـابـه يابسمـة الاطفـال يافرحـة العـيـدمالـك ومـال المشكلـه والطلابـه الستر زيـن ومـا يبـي زود تمجيـدوبعـض البشـر مـا يسترنـه ثيابـه خوذي مثل عنـدك نجـاح اال.....؟تصدح بصوت مثل صـوت السحابـه يسمع لهـا وسـط المجالـس تناهيـدصفق لها الجمهور عطـف ونجابـه بس الحقيقه غيـر مـن غيـر تحديـدان الحيـا نعمـه وزيـن وذرابــه ولا تعجبين بشعر بعـض القواصيـداللي لهـم وسـط المحافـل خطابـه بعض الشعر خلطة حـروف وتفاريـداول قصيـد وثــم عــود قـلابـه بعض قصيد الجيـل طـق وزغاريـدشي يقـال وشـي مـا ينحكـى بـه الشعـر سلطـان الشيـم والتقالـيـدالشعـر ميـزان الفخـر والرحـابـه محمد لطيف العنـزي واعذرونا على القصور مع كل الاحترام لشخصك الكريم |
| الساعة الآن (04:28 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه