°~*¤®§(§ شبـــكة ويــلان العـربـيـه §)§®¤*~ˆ°

http://www.yabdoo.com/users/7539/gal...012_p24317.jpg

صورة للشاعر وتسجيل صوتي للقصيدة في مواقع اخرى ، وانقلها لكم للعبرة والعضة

وكما ذكر فالقصيدة

للشاعر المقدم / نمر السحيمي الحربي - رحمه الله -

قد قال هذه القصيده قبل وفاته لأنه رى في المنام أن منادياً يناديه وأنه ميت فقال هذه

القصيده وأودعها في درج مكتبه وعندما توفي .. وعند تفتيش مكتبه وجدوها فيه

رحمه الله رحمة واسعه ... فقد عزى نفسه قبل أن يشيعه المشيعون ..

جاني وانا في وسط ربعي وناسـي =جاني نشلني مثل ما ينشل النـاس
مني نشـل روح تشيـل المآسـي =تشكي من ايام الشقى تشكي الياس
اثر الالم في سكره المـوت قاسـي= ماهالني مثله وانا انسان حسـاس
جابوا كفن ابيض مقاسه مقاسـي =ولفوا به الجسم المحنط مع الراس
وشالوني اربع بالنعش ومتواسـي =عليه ومغطى على جسمي البـاس
وصلوا علي وكلهـم فـي مآسـي= ربعي ومعهم ناس من كل الاجناس
ياكيف سوا عقبنـا تـاج راسـي =وامي الحبيبه وش سوى بها الياس
اسمع صدى صوت يهز الرواسـي= قولولهـا لاتطلـم الخـد يانـاس
قولولها حـق وتجرعـت كاسـي= لاتحترق كل يبـي يجـرع الكـاس
اصبحت في قبري ولابـه مواسـي =واسمع قريع نعولهم يـوم تنـداس
من يوم قفوا حـل موثـق لباسـي= وعلى رد الروح صوت بالاجـراس
هيكل غريب وقـال ليـه التناسـي= صوته رهيب وخلفه اثنين حـراس
وقف وقال ان كنت يانمـر ناسـي =هاذي هي اعمالك تقـدم بكـراس
ومن هول ماشفته وقف شعر راسي =وانهارت اعصابي ولاارد الانفـاس
ياليتنـي فكـرت قبـل انغماسـي= بالغفله اللـي منتهاهـا للافـلاس
وفزيت من نومي على صوت ناسي= واصرخ واقول الموت وأحذر الناس

القصيدة للشاعر المقدم / نمر السحيمي الحربي - رحمه الله -

http://www.yabdoo.com/users/7539/gal...012_p24318.mp3

يالله حسن الخاتمه