يامجلـس الويـلان جيتـك وانــا ضـيـف=جيتـك وانـا شاعـر غـريـب(ن) ورحــال
زهب لي الجلسـه ثـم اضبـط لـي الكيـف=ثـم الـحّـق الـبـراد وتطـيـب الاقــوال
فـي جلسـة(ن) يطـرب لهـا كـل حريـف=بعلـوم شاعـر بـيـن حــل(ن) وتـرحـال
واعطيـك قصـة مـادخـل ظلـهـا زيــف=يطـرب لهـا مـن خاطـري كــل رجــال
جانـي رفيـق(ن) عدلـي قصـتـه كـيـف=وحبيـت انـا اذكرهـا علـى كيـف مـاقـال
قصـة وليـف(ن) راح مـن نجـد لجنـيـف=الـلــي خـــذا قـلـبـي وروّح ولا زال
وتكـسـرت عقـبـه جمـيـع المجـاديـف=ومـن عقـب ماسافـر غشـى عقلـي هبـال
ودوم اتخـيـل بالـخـلا جـيـت الطـيـف=ثـم رحـت للدكتـور بشكـي لــه الـحـال
قلـت الوليـف اللـي رحـل ثـم مـا شيـف=روّح تركـنـي بـيـن هــم(ن) وغـربـال
وخلـى جـروحـي بالضـلـوع المهـاديـف=قلت : الدوى. ثـم قـال: وسـع لـي البـال
قـال : الـدوى هـيّـن ولافـيـه تكلـيـف=(( وصفـه خياليـه )) علـى الفـور تنطـال
هــات التـذاكـر لاتـكـر التحـاسـيـف=وجــوازك الاخـضـر وشنـطـه وجــوال
وسنـد بهـا للشـام خــل ازرق السـيّـف=اتـرك هـوى البحريـن ومصافـق الـجـال
وسقـت القـدم اليـن عديـت انـا طـريـف=متـوجـه(ن) للـشـام قطـعـت الامـيـال
وركبـت بـاص(ن) فيـه نـاس(ن) ملاقيـف=واميرهـم يرقـص علـى العـيـن والــلال
مجـنـة(ن) ربــي جمعـهـا بتصـريـف=صغـار ســن ومزحـهـم كـلـه خـبـال
وعقـب الحديثـه اقشـر العـلـم ياحـيـف=طبـوا عـلـى الـحـرة يخـمـون بهـبـال
ثـم طبلوهـا ليـن صـاروا علـى جـريـف=ويـوم(ن) تـسـاوو روّح العـلـم هـمـال
والكـاس يلعـب بينـهـم لـعـب حـريـف=لعـب عليهـم وانتـصـر سـجـل اقــوال
وراحـوا يجـرون الخسـاره تـقـل جـيـف=وضحكـت منهـم ليـن دمـع الخجـل سـال
ثـم(ن) عبرنـا وسـط درعـا مـع الريـف=ريـف(ن) بــه الارواح تـهـوى وتهـتـال
ثـم دزهـا السـواق خالـد ابـو صطـيـف=الـيـن طبيـنـا الـقـدم بـيـن الانــذال
لـنـا مـطّـرف شنطـتـي والمصـاريـف=واخذتهـن يـوم اعلنـوا وقــت الانــزال
وجـو التكاسـي مثـل هــا كالمخاطـيـف=النـصـب شغلتـهـم ولافيـهـم ارجـــال
يجـيـك واحـدهـم يصـيـغ التـخـاريـف=لاجــاك يـرطـن كـنــه الـســان دلاّل
ونقيـت لـي شوفيـر نشـمـي وحـريـف=وقلـت : المساكـن ,, لاتكـثّـر بـالاقـوال
ثـم قـال: تكـرم يابـو سـعـود ياحـيـف=هسـى اوصلـك ليـن بـرزة بــلا جــدال
فـي شقـة(ن) شغالتـه تـكـرم الضـيـف=ولاتفـكـر بكـثـر المـصـاري والامــوال
ويـوم(ن) وصلنـا مانطـق صاحبـي زيـف=ودخلـت للشقـة عـلـى طــول بالـحـال
لاشقتـه ابــدا ً عـلـى كيـفـك الكـيـف=وشغالتـه محتشمـة(ن) واسمـهـا آمــال
ثـم(ن) كتبنـا العقـد مـدة مـن الصـيـف=ثـم(ن) رقـدت الـيـن كــل التـعـب زال
ثـم(ن) جلسـت وزارنـي بـارق الطـيـف=وفزيـت كـنـه صــوّب الـقـاع زلــزال
ذكرتـهـا بـيـن الضـلـوع المعـاطـيـف=وقعـدت اغنـي مـن عنـى الهـم مــوال
ساعـة طـرب مطـرّف الـبـاب تطـريـف=دخـل علـي امشـورب(ن) يرعـب ارجـال
قلتله : من انت وقـال انـا صاحـب منيـف=شوفـيـره الـلـي مايـتـردى بـالافـعـال
ثــم قلتـلـه يالله نـسـوق المـجـاديـف=نبـي السهـر دام الغضـي سـم الاحــوال
لاهو يقول ابشـر وانـا اليـوم ابـو الليـف=والله لنسـيـك العـنـى وكــل غـربــال
يـاالله علـى الغوطـى ولا الغيرهـا انقيـف=فيهـا المراقـص تطـرب الـبـال واقــلال
ودخلـت انـا الفيحـا علـى غيـر تعريـف=وشفت العنـود اللـي علـى البسـت تختـال
فيهـا الحـلا تعـجـز علـيـه التواصـيـف=ولاتعـرف اسـلـوم العبـايـا ولا الـشـال
وبجنبـهـا صـفـة بـنـات(ن) ملاهـيـف=فيهـن حـلا يعجـز علـى القيـل والـقـال
وعيونـهـن عـلـى الزبـايـن مخاطـيـف=كلـن تبـي نقطـا,, وتحـايـا ,, ومــوال
والطـاولـه قـامـت تشـطـف تشاطـيـف=هـذي تغمـز ,, والثانيـه تنـسـج حـبـال
ثـم قـام شوفيـري خـوي صاحبـي منيـف=وجاب العنـود اللـي علـى البسـت تجتـال
ريميـة(ن) ترقـى عـلـى كــل تصنـيـف=والشعـر الاسـود فــوق الارداف شــلال
اللـي تغـرف مــن الـحـلا بالمغـاريـف=والـزيـن مـاريـا لـهـا بـكـل مكـيـال
ثم اجلسـت جنبـي علـى كرسـي صطيـف=سـواقـي الـلـي مايـتـردى بـالاعـمـال
ثـم صافحتنـي زينـهـا مــن صـواديـف=وقالت لي : بصوت الغنج (( كيّف )) الاحـوال
ثم قلـت: حالـي كـل حـال(ن) لـه ايعيـف=وقـالـت : ياعـمـري لاتكـثـر بـالاقـوال
والله للـطـف جــوك الـيـوم تلـطـيـف=ثـم انقـزت للبـسـت والخـصـر مـيـال
والخصـر والله راوي(ن) حـيـل وصخـيـف=ويـوم(ن) تثنـت حـرك البـسـت زلــزال
وقلبـي تـراقـص بالضـلـوع المصافـيـف=ثم(ن) صرخت !! تكفين .. جوزي . يا اقبـال
قالت : رشا .!! قلت : المهم !!. خصرك ايقيف=ثـم(ن) لفتنـي ضاحكـة تصيـغ الامـثـال
ثــم استهـلـت بالغـنـج والسـوالـيـف=وضاعـت علومـي ياعـرب شفـت الاهـوال
وودعتهـا .. مـن عقـب حلـو المصاديـف=ثـم(ن) سرينـا ال شقتـي خـيـر مـنـزال
وباليـوم الآخـر رحــت ادور المصايـيـف=مابيـن صلنفـه ثـم كسـب فـوق الاجبـال
ال مشتـى حلـو كلـه انــا ادور الهـيـف=للاذقـيـه بشـطـهـا الـهــم يـنــزال
ومنها الحلب ثم حمص ثـم(ن) مـع الريـف=ومنهـا الدمشـق اللـي بهـا حـلـو الازوال
آخـر محطـات السفـر بـآخـر الصـيـف=ثـم المـطـار الـشـام والـهـم مـنـزال
راجـع الـدار(ن) زاهـي بحكمهـا السيـف=المملكـة اللـي قـدرهـا بداخـلـي عــال
هـذي مواجـز قصـة(ن) مابـهـا حـيـف=وعلـوم شاعـر بيـن حــل(ن) وتـرحـال
وانـا احمـد الله مالفـى بنسجـهـا زيــف=نسـج(ن) مـن الواقـع ختمتـه عـلـى آل