موسى المشعان سالم الجهبل تفضلوا
السلام عليكم ورحمة الله وبركاته
اهدي لكم هذه الشامخة بما حملت من اسماء فتقبلوها مني
سلام الله على موسى زعيم الحـزب والرايـات=سـلام المرجلـة يفخـر اذا وافـق سلاماتـه سلام أصدق من الدمعه واجد من اخر الموضات=يوازن هيبـت الشاعـر يـوازن قـوة أبياتـه بحور الشعر ياموسـى تجـف وتنهـدم أبيـات=تخلـي شاعـر القمـة يكسـر نفسـه أبياتـه اذا الشاعرنسى موسى نسـا لا يذكـره بابيـات=يحـرم شعـره الراقـي يحـرم باقـي ابياتـه لأنه مامدح موسـى كريـم النفـس والغايـات=سقط نجمه هفا عزه خسـر أفضـل مهاراتـه اذاشعره جهل موسى وش اللي يعلمـه بالـذات=وش اللي باقي لشعـره سـوى تافـه عباراتـه اذا طيب العرب كشخه تصنف سيد الكشخـات=كشخ طيب العرب باسمك وصل ذروت اناقاتـه لو العالم على الفزعة يصنف قاسـي الـدورات=وسام العز للشايـب ظفـر باعلـى وساماتـه ولاني ناسين سالـم عقيـد القـوم بالفزعـات=ابو عـادل وسيـط الخيـر يحمسنـا بحنداتـه بدل كوفي نبي نحطه رئيـس لباقـي الهيئـات=يساعـد حـزب شايبنـا يخطـط لاختطافاتـه ولكم مني خالص التحية ودمتم سالمين |
ألأخ العزيز الشاعر
بندر المطرفي تحيه طيبه وصح لسانك أخوي بندر ترى ما أسمع ببوعادل مهما كان أ لأمر0لاكن أذا تبي تحطه بدل كوفي ياراعي الشويهات هاذى شيٍ ايشرفنا بحد ذاته0 لك كل الود ولأ حترام تقبل تحياتي |
الأخوة بندر المطرفي .. موسى المشعان .. سالم الجهبل
اسماء لامعه وغنيه عن التعريف ................. صح لسانك وسلم بنانك على هذه القصيدة الجميله والمعبرة عن نفسها لك مني كل التقدير يالمطرفي ................... |
الــــــــــــلـــــــــــــــه الـــــــــــــلـــــــــــــــه
يابنـــــــــــــــــــــــــــــــدر ابــــــــــــــــداع هلا ياراعي العشواء هلا ياطيب الغايات هلا بااللي ليامنه وقف معروف وقفاته هلا باابياتك الي تعتبر تحفه من الجزلات وصفت العود في فعله وروحاته وجياته ومادام انك مساندنا صعدنا عالي القمات اليا من قلت ذا بندر تعرف الناس ميزاته من رجال لهم ماضي على الهدات والردات لها التاريخ سجلها ونقراها بصفحـــــاته بني عمي وانا معهم بوقت اللين والشدات اليامن قالو السلقاء فخر للشعر وابياته وترىمدحك لبومحمد يشرفني انا باالذات لانه واحـــد منا اخــــــونا الطيب عادته وصلنا شعرك الطيب وهاذي ابرك الحزات وهذا الرد يابــــــندرقليل بحــــــق ابياته |
يابن فرحان عزالله تمكنت وبدعت ابيات=بدعت القاف يابندر برعت وصغت موجاته وجاك الرد من سالم جزيل باصدق الكلمات=عسا دايم نشوف امثالكم باعلى مقاماته كلام فاح من صدري ولابه زيفن وشكات=كلام الصدق والدعوة على الخالق اجاباته ابداع متناهي الاطراف يسير في عالم لاحدود له من الابداع صوت رائع صاغه شاعر متمكن حلق بنا في سماء الابداع ليكون بالمقابل صور يوازيه بالروعه من شاعر متمكن هو الاخر
صح لسانكم جميعا ولا تحرمونا من هذا الابداع اخوكم المطرفي |
خوي خلف
مرور اتشرف به حينما يكون من شخص مثلك وكلنا ما نعطي على ابو عادل ولكنها مزح دمت سالما |
هلا بك يابوعادل
والله منزلك بالقلب وصح لسانك عزالله احرجتنا بزود طيبك وهذه عادتك لك مني خالص المحبة وصح لسانك |
| الساعة الآن (02:15 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه
