سلام يا قروب له القلب مشتاق .. !!
ابيات كتبتها لأحد قروبات الواتس ( قروب نادي سهما ) و تفاجأت بانتشارها , و يسعدني أن أضعها لأول مره في هذه الشبكة المميزة ..
و تقبل الله من الجميع العمل الصالح .. سلام يا قروبٍ له القلب مشتاق = و تقبّل الله صومكم و القيامي وهذي تحياتي على الواتس تنساق =سوق النيـاق مفهّقَـات السنامي للي لهم قدر و معزه و ميثاق = و لهم مكانه و احترام و مقامي ما جمّعتنا / لا مصالح ولا اوراق = و لا جمّعتنا / الدندنه بالكلامي كل واحدٍ منّا به الطيب. توّاق = ما عندنا / لا سافل و لا حرامي ايه اجتمعنا و الهدف فوق الآفاق =خوة رجالٍ تستحق احترامي تميزوا بالعِرف مع طيب الاخلاق =و كل واحدٍ منهم احطه حزامي الله لا يكتب لنا / بُعد و فراق =و لا ينكتب للغانمين انقسامي و المر من بعد الحلا صعب ينذاق =و الله يخلي لي رجالٍ تحامي اهل المراجل و المكارم و الاوفاق =و اللي زبنهم بالزمن ما يضامي سوقي واعرفه وابخصه بين الاسواق =تاقف له عيوني و تاقف عظامي و انا ادري ان الناس مخلوقه اذواق =لكن هنا تلقى الصفات العظامي و سلام يا قروبٍ له القلب مشتاق =يا ( قروب سهما ) يالرجال الكرامي |
رد: سلام يا قروب له القلب مشتاق .. !!
صح لسانك لاهنت
|
رد: سلام يا قروب له القلب مشتاق .. !!
شاعرنا ومشرفنا المميز/ سعد النفج
عوداً حميدا وعيداً سعيداً وكل عام وانت بخير وعافيه صح لسانك ملايين نشمي ولاترافق إلا نشاما وهذا هو ديدن الطيبين . الف شكر ع إتحافنا بهذه الدرر . أكرر صح لسانك .. انقى تحيه |
رد: سلام يا قروب له القلب مشتاق .. !!
شاعرنا الرائع
صح لسانك وكلك محظوظين بمشاركه النص الرائع. معك تحياتي ومودتي |
رد: سلام يا قروب له القلب مشتاق .. !!
قاسم المفوز ..
صح بدنك يالغالي .. |
رد: سلام يا قروب له القلب مشتاق .. !!
حمد الضوي ..
صح بدنك استاذي حمد .. و لا هنت على الإشادة و مصافحتك للابيات تشرفني .. الله يحفظك يا بعد راسي .. |
رد: سلام يا قروب له القلب مشتاق .. !!
أختي مشاعل ..
صح بدنك و أنا سعيد بحضورك و مصافحتك للابيات .. لا هنتي و ألف ألف ألف شكر يا راقية .. |
الساعة الآن (12:02 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه