ما تشبهين اللؤل .. يا درة الماس=اللؤل هو يشبهك مدري يشاديك
أنتي من أنفاس الغلا زفرة أنفاس=والا خيالٍ يحني الشعر لا يديك
عقد المعاني بيرق الشعر والكاس= تشريف لا تكليف جارا معانيك
من مهرة الخيال ياقب الافراس=جاكن غثاء غيره وحيره وتشكيك
هذى ليا مرت على غفلة الناس = فزت لها أنظار الخلايق تماتيك
هذي قمر ساطع على ليل الادماس=ولو أشرت يم القمر قال لبيك
هذي لها فى قمة المجد مجلاس=حفيدة ملوك الفخر يالمماليك
جمال شكل وعقل وشعور وأحساس=وحضور شاعر عن هل الشعر يغينك
منجم ذهب مايعلن بيوم الافلاس=راهي من التبر المصفى يغطيك
ياقوى المعاني لا نقتل حرف لا باس = من هيبة شعورى تعثر خطاويك
أيه أنزف شعوري على صدر كراس = ياصفحة الكراس طابت مساريك
الليل توه وأنجلى عني أعماس=ولنشوة أفكاري فتحت الشبابيك
البيت له بابٍ وقفلٍ وحراس=ويامحلل بيوت القصايد نحييك
لولا هل الذوق المعتق من الراس= مانهلت السبحه شعر لجل تهديك
اليا أعتلا البنيان من قوة الساس=واللي بليا ساس ماظن يذريك
أحلى الاماني جل موته من الياس=والياس داءً لا تمّكنك ينهيك
وقصيدتي مهره على طبل الاعراس=ترقص طرب وتكحل أعين معاديك
فزي لها فزة مشاهير جلاس=فى وجهه من ينهي كبار الشرابيك
شيخٍ جلس بالبيت تزهاه الالباس=وأن أعتلى مهره قحومٍ تحاليك
وانتي لك الثلثين ولغيرك أسداس=من الشعر ومن الفخر كيف أحاليك
ماقول أنتي غير من فوق هالناس=لكن لحالك والخلايق حواليك