جعل المصايب يايبه دوم تخطيك
السلام عليكم ورحمة الله وبركاته كتبت هذه القصيدة في والدي أطال الله في عمره بعد خروجه من المستشفى بسبب حادث سير اتمنى أن ترتقي لذائقتكم جعل المصايب يايبه دوم تخطيك=ويا جعل ما صابك يكفر ذنوبك يا لله عسى دنيا السعادة مفاليك=ويالله عسى ما يلمس الشر ثوبك ويالله عسانا دايم الدوم نرضيك=ويالله عسى ربي يسهل دروبك ويالله عسى ربي عن الناس يغنيك=لو هم على طول الزمان اعتنوبك لو بالمساء والصبح أقبل مواطيك=وكل النهار أصير يابوي صوبك والله فلا نلحق جزاتك ونوفيك=والله فلا نرتاح مما ينوبك الناس يا بيي يحبون طاريك=من طيبكم يابوي ما عذربوبك حاضرك معروف ومعروف ماضيك=جابوا مجال الطيب لامن حكوبك هذا كلاك ما حصل فيه تشكيك=شف يا يبه وش كثرهم اقتدوبك وختامها يالله عسى الرب ينجيك=من شر ما صابك ويغفر ذنوبك صالح بن سليمان المزيني |
رد: جعل المصايب يايبه دوم تخطيك
صالح بن سليمان المزيني صح لسانك والحمد لله على سلامة والدك ادام الله عليه الصحه والعافيه وجزاك الله خير على إهتمامك بوالدك وهذا من البر بارك الله فيك وكثر الله من أمثالك وجعلنا وإياكم من البارين بوالدينا وفقك الله لمايحب ويرضى |
رد: جعل المصايب يايبه دوم تخطيك
صح بدنك مشرفنا حمد الضوي
والله يسلمك من كل شر شكراً لك على مشاعرك الطيبة مرورك شرفني |
رد: جعل المصايب يايبه دوم تخطيك
صالح بن سليمان المزيني الحمد لله على سلامة والدك ادام الله عليه الصحه والعافيه وجزاك الله خير على إهتمامك بوالدك وهذا من البر بارك الله فيك وكثر الله من أمثالك وجعلنا وإياكم من البارين بوالدينا وفقك الله لمايحب ويرضى وصح لسانك على هذه الابيات الجميله جدا وننتظر كل جديد وجزل يالجزل |
رد: جعل المصايب يايبه دوم تخطيك
صح بدنك سعود المسعودي
تواجدك هو الأجمل والله يعطيك العافيه مرورك شرفني |
رد: جعل المصايب يايبه دوم تخطيك
جعل المصايب يايبه دوم تخطيـك
ويا جعل ما صابك يكفـر ذنوبـك يا لله عسى دنيا السعادة مفاليـك ويالله عسى ما يلمس الشر ثوبك اللهم آمين وصح لسانك والحمد لله على سلامة الوالد ولا أراك الله مكروها أنت ومن تحب .. |
رد: جعل المصايب يايبه دوم تخطيك
صح لسااانك
بووح من رووح صااادقه بالبر والوفاء السخي الله يسلمك ويسلم والديك قصيده رااقيه لامست احساس الجميع وفي مثل تلك يقاال الشعر والا فلااا ،، الشكر كل الشكر لشخصك الكريم تقبل مروري |
| الساعة الآن (03:42 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه