°~*¤®§(§ شبـــكة ويــلان العـربـيـه §)§®¤*~ˆ° - حط القمر في غرفتك .. تذكرينه ؟؟

- منتدي الشعراء (http://www.weelan.com/vb/forumdisplay.php?f=8)

- - حط القمر في غرفتك .. تذكرينه ؟؟ (http://www.weelan.com/vb/showthread.php?t=24806)

حط القمر في غرفتك .. تذكرينه ؟؟

لقلوبكم بعد طول غياب

تكفين شوفي غيري انسان حبيه
ما عاد انا ذاك الذي تذكرينه
.

مات الغرام اللي تهزك مباديه
وآخر طموحه بالزمن تدفنينه
.

ترفقي به وادمعي لا حضنتيه
ما غيرك انتي من يقدر حنينه
.

قولي له انك بالخفا ما خذلتيه
ماابي اسمعك قوليه بينك وبينه
.

بس اصحي انه يدري انك تواسيه
ما أبيك في لحظة ألم تجرحينه
.

حنـّي عليه وبيـّـني لوعتك فيه
وردي بعض دينه اذا تعشقينه
.

ردي بعض هالدين هالحين رديه
يعني .. يموت ولا خذا نص دينه
.

ما تذكرينه؟جاب هالشمس بيديه
وحط القمر في غرفتك .. تذكرينه؟
.

ما تسمعينه صاح بالصوت لبيه
وإلا متى ما جاز لك تسمعينه ؟
.

عشتي معه عشق القصيد ومآسيه
وشوق الغريب ورجعته للمدينه
.

عطاك طهر الكون وأنتي عطيتيه
عشق القلوب الطاهرات الأمينة
.

ابكيه هاللحظة وبعدين خليه
من حمّل الربان ذنب السفينة ؟
.

وخبـّـي شعورك في حناياك خبيه
ودفتر قصيدي طالبك تحرقينه
.

وكل القصيد اللي لشوقي كتبتيه
في ذمتي عشته قبل تكتبينه
.

ودام الغرام اللي جمعنا دفنتيه
عيشي حياتك وافرحي يا حزينه
.

وخليني أكتب قصة الحزن والتيه
وشوفي بدالي .. واحد تعذبينه

.
.
.