يانيوتن لو تشوف اللي اشوفه = كان تعرف ويش سر الجاذبية
هرج خلي والسواليف معزوفة = والوصوف النادرات اليوسفية
قصتي لغز عجزت اقرا حروفه = (( وايلي عاشق له ............))
طالبك يا سمحة الخد المروفة = قبل روحي تصبح لسيفك ضحيه
لا تمشيني على درب الكلوفه = وانت خابر حيلتي ماهي قويه
الليالي معك سهرتها مخلوفه = والدقايق في لقايه معك حية
ظامي وصلك ولي نفس لهوفة = والظما جرح شفاتي وانت ميه
اسقنيها ماعلى الدنيا حسوفه = وعن هجير الشمس ظللني بفيه
خل قلبي يامن من اسباب خوفه = والهجر نوع من انواع المنية
وكان طعم الموت يرضنك سيوفه = اطعن بسيفك ترا روحي هدية
عاشقك سحم الضواري ماتحوفه = ياصل الهقوات والنية مطية
بس حمله ماقون شيله كتوفه = والهوى قدامنا شدد طمية

المشاركة الأصلية كتبت بواسطة هندي المقبل (المشاركة 410328) الشاعر منيف الخلف اولا اهلا وسهلا بك في شبكة ويلان العربيه والله يحييك وصح لسانك على هذا النص الشاعري الجميل الذي يدل عى شاعريه فذه وقدوم شاعر جميل نفخر بوجوده بيننا صح لسانك وشكرا على هذه المصافحه ..

المشاركة الأصلية كتبت بواسطة سالم صالح (المشاركة 410333) الاخ / منيف الخلف اهلا بك في ويلان ويشرفنا انضمامك شاعر جزل واكبر دليل هذا الابيات الرائعة والمميزة من شاعر فذ وولدية خبرة شعرية كبيرة صح السانك وكلك وننتظر ابداعاتك القادمة