°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - ما ني ضعيف (http://www.weelan.com/vb/showthread.php?t=24338)

ما ني ضعيف

بسم الله الرحمن الرحيم

السلام عليكم ورحمة الله وبركاته

بدون مقدمات أضع هذه المتواضعه بين يديكم ......
----------------------
يا الله يا حلال صعب العقودي ** يا مقسم الأرزاق عندك ضمانه

أنت الذي من جود جوده نجودي ** ما فيه غيرك حي نطلب حنانه

ما ني ضعيف ولا قصير الزنودي ** زندي قوي وبالمواقف تكانه

عندي على صعب المواقف صمودي ** نموت فقر ولا غناة الأهانه

أعيش بالصحراء وأعيش بنفودي ** وأعيش فوق اجبالها عن طمانه

وأقـدامـنـا نحـثـهــا للصـعـودي ** قدر الأمكان أنكون بأعلى مكانه

صديقنا يفرح ويكـره حسودي ** ويموت من زود القهر واغثيانه

نحرق أعصاب الوقح لأنه حقودي ** والشخص يعرف من مزايا بنانه

ودنيا الفنا ما بين نقصاً وزودي ** وكلاً حسب وضعه يعيش بزمانه

بين العواصف والهلع والركودي ** يجني ثمر غرسه حصايد السانه

طبعي تجاهل من تجاهل وجودي ** ومن لا حسب لي ما حسبت لكيانه

ما ني على بعض الوجيه محدودي ** الأرض تاسع كل حياً وشانه

ولصاحب المعروف ماني جحودي ** ولا يجحد المعروف غير الهدانه

وحنا لبلدنا كل وقتاً اجنودي ** ولأخوان نوره حافظين الأمانه

وصلاة ربي عد ما الشخص نودي ** على رسول الحق بأفضل ديانه

((((((( أخوكم / سراب نجد )))))))

رد: ما ني ضعيف

يشرفني أني أول من يرد على هذه القصيده الشامخه بشموخ شاعرها
سراب نجد
صح لسانك حتى ترضى
صح لسانك مدد بلا عدد
قصيده جزله من راس جزل
كل الشكر لك
دمت بخير

رد: ما ني ضعيف

سراب نجد

صح لسانك حتى ترضى

وبيض الله وجهك

قصيده جزله من راس جزل

تقبل تحياتي وجل تقديري

رد: ما ني ضعيف

اقتباس:

المشاركة الأصلية كتبت بواسطة محمد البويليد العنزي (المشاركة 405530)

يشرفني أني أول من يرد على هذه القصيده الشامخه بشموخ شاعرها
كلك شرف الله يشرفك عند مولاك يالشريف الوافي
سراب نجد
صح لسانك حتى ترضى
صح بدنك ملايين ولا يكفون
صح لسانك مدد بلا عدد
صح بدنك إلى ما له نهايه
قصيده جزله من راس جزل
تشريفك ومرورك أجزل يالجزل بن الجزل
كل الشكر لك
كل الأحترام لك

دمت بخير
دمت بسعاده وسرور

لك شكري وتقديري

رد: ما ني ضعيف

اقتباس:

المشاركة الأصلية كتبت بواسطة سعود المسعودي (المشاركة 405536)

سراب نجد

صح لسانك حتى ترضى
صح بدنك إلى ما له نهايه

وبيض الله وجهك
وجهك أبيض الله يطول عمرك

قصيده جزله من راس جزل
تشريفك ومرورك أجزل يالجزل بن الجزل

تقبل تحياتي وجل تقديري
تحياتك وتقديرك على العين والراس بارك الله فيك

لك شكري وفائق أحترامي

رد: ما ني ضعيف

ما ني ضعيف ولا قصير الزنودي=زندي قوي وبالمواقف تكانه
عندي على صعب المواقف صمودي=نموت فقر ولا غناة الأهانه
أعيش بالصحراء وأعيش بنفودي=وأعيش فوق اجبالها عن طمانه
وأقـدامـنـا نحـثـهــا للصـعـودي=قدر الأمكان أنكون بأعلى مكانه

سراب نجد

صح لسانك مليون ولايسدون ونعم فيك
وبيض الله وجهك على إتحافنا بهذه الرائعه
لافض فوك مبدع ولاهو غريب عليك التميّز والإبداع

لك مني اجمل التحايا

رد: ما ني ضعيف

--------------------------------------------------------------------------------

( بسم الله الرحمن الرحيم ـ)

السلام عليكم ورحمة الله وبركاته

سراب نجد

صح لسانك حتى ترضى

وبيض الله وجهك

قصيده جزله من راس جزل

(تقبل تحياتي وجل تقديري)