°~*¤®§(§ شبـــكة ويــلان العـربـيـه §)§®¤*~ˆ° - يا رب يا رحمن حنا مكاتيف = ما نملك الا دعوة(ن) تعتبرها

- منتدي الشعراء (http://www.weelan.com/vb/forumdisplay.php?f=8)

يا رب يا رحمن حنا مكاتيف = ما نملك الا دعوة(ن) تعتبرها

متواضعه فقط للتواصل

يالله يا مرسل مزون(ن) مراديف = على الديار الممحله و تعمرها
من عقب ما يبّس معاليقها الصيف = اليوم بعيون الخلايق صورها
ترسل مزون الخير و تعدل الكيف = على ديار(ن) تتعب اللي نظرها
من عقب ما ترقب طوال المشاريف = و تلقى الخضار بعشبها و بشجرها
اليوم تنسفها هبوب و عواصيف = و تنخى مواطيها سحابة مطرها
تغيرت وش غيّر الحال يا سيف = تغيرت حتى طبايع بشرها
إيه الحسد و اهل الحسد و السواليف = تجلب يباستها و تمسح اثرها
يالله ياللي تصرف الريح تصريف = ياللي قلوب الناس عندك خبرها
لا تواخذ عبادك بقل التصاريف = و الارض يالمعبود جودك غمرها
ما غيرك اللي يرحم العبد و يخيف = و لا غيرك اشكال الذنوب يغفرها
يا رب يا رحمن حنا مكاتيف = ما نملك الا دعوة(ن) تعتبرها
جعل المزون اللي يمرن مراديف = ترعد و تمطر و الديار تعمرها