حيا الله القاطع ووينك ماشفناك = تصدق اني في غيابك متابعك
طيب مدام انك متابع وش ادراك = اني قطوع وكيف تابعت قاطعك
انت متناقض في كلامك وممشاك = ومابين صدك والمزوح وتدلعك
ناهيك عن هذا وناهيك عن ذاك = ترجع تقول اخطيت وش عاد ينفعك
خذها خلاص ارجع وفرقاك تسواك = وقل للزمن لاعاد يمي يرجعك
حسيت في وصلك وحسيت فرقاك = وشتان بين الانكسار وتواضعك
فعلك بنفسك بين فكرك ويمناك = بشربه اللي في غيابي يشجعك
دام انت في وعيك وتعرف سواياك = ليه اعذرك مالي ولا لجل اسنُعك
من راح من كيفه وصد وتعداك = لو عينه بعينك ضميره مودَعك
لكن على شان الذي فات لـ. أتلاك = بعطيك معلومة زمن خلها معك
من حاولك لجل يغير نواياك = يسعى لجل تنزيل شانك مايرفعك