°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - "وش هو (حافز)ويش يعني ويعني" (http://www.weelan.com/vb/showthread.php?t=24123)

"وش هو (حافز)ويش يعني ويعني"

هذا الحوار دار بيني وبين احدى صديقاتي التي لم يحالفها الحظ فيما يسمونه حافز

دقت على الهاتف بصوت ن فجعني = قلت الخبر وش فيك وش صار تبكين

قالت يا بنت الناس حافز خدعني = وانا على حلمه تورطت بالدــــــــين

حافز بورطه يا الكحيله وضعني = وش حيلتي يا كيف اسد الدياييــــن

شرط العمر من خير (حافز) منعني =عمري تعدى فوق سبع وثلاثــــين

كنه على وجهي بشرطه صفعني =ابكي ونار الظلم وسط الشرايــــــين

العلم طرده للأسف ما نفعني=راح العمر وانا اطرد اسنين وسنـــــــــــين

ما ظن ابو متعب لو انه سمعني = يرضى لنا الحرمان وحنا الضعيـــــفين

قلت اسكتي هرجك بقلبي لذعني =لا تقهرين القلب بالله تكفـــــــــــــــــين

واللي عن( هياط) الحوافز رفعني = دامك صديقة عمر ما تبكي العــــــين

وش هو (حافز ) ويش يعني ويعني = تبكين يا بنت الاصل لجل الالفــــين

بكيك على الهاتف وربي وجعني =مير استريحي وابشري في (وفا) الدين

رد: "وش هو (حافز)ويش يعني ويعني"

لله درك اختي على هذا الابداع والله يخلف عليكي ان شالله نعم هذا اللي حاصل الله يفرجها للمسلمين

رد: "وش هو (حافز)ويش يعني ويعني"

اسئل الله ان يفرج عن كل مديون ويفرح كل مهموم
كلام كبير وفعل اكبر وصح لسانك يااختي
تقبلي مروري
,,,, ودمتي بحفظ الرحمن

رد: "وش هو (حافز)ويش يعني ويعني"

الشاعره // بنت الكحيلا
صح لسانك واعتلا شانك
قصيده جزله من شاعره جزله
وتتكلم عن واقع ومعناة الشعب السعودي عن حافز وظلمه
والملك أطال الله بعمره ماهو مقصر ولاكن البلا من البطانه الفاسده
عسى الله ينصفنا من الطغاة الظلمه
كل الشكر لك
دمتي بخير

رد: "وش هو (حافز)ويش يعني ويعني"

الشاعره القديره

بنت الكحيلا

صح لسانك وإعتلى شانك قصيده رائعه في موضوعها وحبكتها لافض فوك إختاه
ولا قلتي إلا الصحيح بارك الله فيك الله يرزق المسلمين الحلال الطيب
ويرزق شبابنا وشاباتنا بالوضائف اللي تغنيهم عن حافز وغيره
دمتي ودام إبداعك

تحايا

رد: "وش هو (حافز)ويش يعني ويعني"

بكيـك عـلـى الهـاتـف وربــي وجعـنـي

مير استريحي وابشري في (وفا) الدين

كفووووو......

قول وفل يابنت الرجال

صح السانك وبيض الله وجهك

ولك جزيـــــــــــل الشكر

رد: "وش هو (حافز)ويش يعني ويعني"

الاخت بنت الكحيلا

صح لسانك كلمات بلسان الواقع.......

نسال الله ان يعين الجميع ويعوضهم عن اعانة حافز المزعومة....