ياهاجس الذكرى على القلب شبيت=شبيت بي نارِ وقوده ضلوعي
ياهاجسي ياليت ياليت ياليت=ياليت تعتقني وانا اعتق دموعي
الصبر ماينطاق بالعون مليت=مليت اكابر شي ماهو بطوعي
المدرسه والحي ومشاهد البيت=وكل الشوارع والزوايا تروعي
يوم القدر فجر بصدري دناميت=ليلة خميس اخر نهار الربوعي
مخدتي من عام مابه تهنيت=كفي وسم خدي وانا احفيت كوعي
خسارتي ماهي سهم شركة الزيت=خسارتي شبلا شجاعا بتوعي
لو صحت باعلا الصوت مايسمعن ميت=ياما زهمته والخلايق هجوعي
لو المصيبه له مكان ومواقيت=اخذت حذري قبل يحصل وقوعي
ولو المصايب قوم صحت وتنخيت=يكفيني اصغر واحدا من ربوعي
عزاي ادعي كل ماصبحت ومسيت=وارفع كفوفي لسماء في خشوعي

.
.

قصيدة مؤثرة .. أبكتني ورب البيت :(

لكن؟؟ ما بأيدينا؟؟

غير الرضى بالقضاء والقدر

فالموت علينا حق ودرب كلنا ماشينه عاجلا ام اجلا

رحم الله موتاكم وموتانا وموتى المسلمين

وآحسن خاتمتنا

.
.

رابح الغضيان

يصح لسانك وبوحك وفكرك

سائلة الله العلي القدير لك الصبر والسكينة دائما

.
.

الرايق

مميز فعلا هذا الانتقاء الجميل

لاعدمناك

تقديري

هيـــاااا