°~*¤®§(§ شبـــكة ويــلان العـربـيـه §)§®¤*~ˆ°

فيني طبع اصلاً ما احب البرد . إنسان ما أعيش في البرد
وخصوصا ً اذا كان ( قارض اقصد قارص ) يحشــــــــــــــــــرك حشر
لاتتطلع ولا تروووح حــــــــاط عليك من هالملابس لين تقول آمــــــــــــــين
والمشكلة ليته ينفــــــع . حين تطلع مع الباب وأنت لافحــك البرد في خشــمك
وكأنه يقول مستانس انت والكوت اللي لابســـــه على بالك ما اقــدر اوصــلك .
وين ماتروح البرد وراك وراك تتطلع الحوش وراك تروح المطبخ وراك
وين ماتروح مايفككــ .
والموضوع الخطــير قومة الصبح هذي سالفه لحالها ماودك تفـــك البطانية
تهاوشون انت والبطانية والمشكله مافي احد يفرع . وثــاني شي اذا جيت تبي
تغسل وجهــك الماء بارد والسخان خربان وش تسوي احتمال ترقد عند المغسلة .
تصدقون عاد ما عرف لها غير هالدببه اللي ليا جاء هالبرد صكوووها نومه
ولا يصحوون لين يروح البرد . ياليت عندنا سبات شتوي علشان نرتاح .
جتــني فكره وقعدت افكــر وأفكــر لين قــررت وبعد ماقــررت قـــررت ههههههه
قـــررت اني اضع بين أيديــكم وسائل علشان تكافحــون بها البــرد إذا جـــاكم
وهي مجــربه . من بعض الوسائل الله يطول بأعماركــم ويسلمكــم ويعافـــــــــــــيكم
اول شي لاتخــــــــــاف من البرد علشان اذا خفــت يدخل فيك البــرد
ههههههه ليش جني .
بعدين الفـــــرو او الفروه اكيد معروف ( الفــرو ) يسوونه بمناسبة دخول البــرد ويعود بقوه
يعني خاص بفصل الشتاء كالملابس الثقيلة وايضا للشياكة والأناقة .
المهم هذا الفـــرو خطير جداااا ومقاوم عنيف للبرد وسلاح فتاك ضد تسلل البرودة
والفرو نوعان صناعي وطبيعي انت خلك في الطبيعي بس غالي ويخليك تحس
بالدفوه في مناطق الظـهر والكتوف وعادي بامكانك استخدامها بطانية لاجــيت ترقـد .
3- بجامة ام حلق : هي بجامه معروفة عباره عن فنيلة مخروطية الشكل
لها يدين ورقبتها طوووويله .
وتعمل على تدفئة منطقة جسمك العلوي واجزاء من الرقبة .
4 - بجامه بدون حلــق : تقوم بنفس مهمة بجامه ام حلق بس انها ما تدفي رقبتــك
واكثرها يشمر مع الغسيل وعلى فكره ترى يجي معها سروال طقم .
5 - شـــــــرّاب العايلة : معروف وغني عن التعريف ويقوم بتدفئة الكراعين والعراقيب
والأرجل فيه اشكال وانواع والوان كثيره .. ببســاطه شرّاب العايله شراب تنمو
مع الأجيال ههههه .
6- الكـــــوت : وبعض الناس يدلعووونه ويسموونه ( جاكيت ) وهو معروف ومن اكثر
الوسائل والملابس الدارجة في البرد نظــراً لخفته وسهولة استخدامة وذكر في رواية
عند احد الحكماء انه قال ( لاصار ماعندك كوت لا تتطلع في البرد ) .
7- الزنجبيل : وهو مفيد جداااا في تدفئة العظام والعضلات ويطهر الحلق
ويستخدم اكثر شي مع الحليب واحياناً يستخدم كشابوره مع العصير هههه
8 - النار : وهي عباره عن شعله منها كبير ومنها صغير تمسك الحطب وتخليه جمر .
وهي احدى الوسائل المعروفه والمشهورة في مكافحة البرد .
و قد استدل بها الشاعر حين قال : يا كليـــب شب الناار يا كليب شبــه .
و قد عرف عن النااار التدفئه الكامله لجميع ما حولها .
9- الدفاية : وهي نااار مطــوره ههههههه تستخدم في بعض البيوت والاستراحات
وبعض الناس يحسبونها قــز ويسوون عليها شاهي وبعظهم يدفون الخــبز بها
وهي رهيبة في اوقات الفــجر .. وتحــلو عليها الجلسه اذا تجمعت عليها العائله عندها
ومددوا رجــولهم على الدفايه وكلن قام يدفها برجله .
10- البطانية : ما أحلى النوم تحت البطانيه وينصح بالغاطين تحت البطانية في
حالات البرد الشديدة وصوت الريح . وتستخدم بالاستلحاااف و التكرفس
والانسداح بين طياتها الحنونه .
وفي النهاية اعتمدوا هذه الوسائل بارك الله فيكم .
وبمناسبة هذه الاجواء البارده او التي سوف تأتي في المستقبل بإذن الله
نتمنى للجميع بتدفئة عالية الجودة . اتمنى تعجبكم وتستانسون فيها .

مما راااق لي

دمتم على الموده

اخوكم

ابراهيم السلمي