الوقت متاخر وخلق الله رقود=والليل موحش والجفن مابه نعاس
ماغير اسلي خاطرن ضاق ياسعود=واقلب الذكرى على كل هوجاس
شكيت لشعاري ولاجتني بزود=زادت لي المكيال والخاطرانحاس
الصاحب الي داخل الروح موجود=اعايده مابين نبضي والاحساس
عيده سعيد وياعسى ايامه تعود=وعسى الليالي ماتوريه الاتعاس
عادت بي سنيني مع هبة النود=يوم المحبه مالها بيننا قياس
حب شريف ماحصل فيه منقود=وكرامة تطغى على كل مقياس
ياما بذلت لشوفته كل مجهود=وياهداني نبض قلبه بالادماس
الجد واحد والغلا ماله حدود=وقرابته فخر على العين والراس
يشوفني في عينه ازهاروورود=واشوفه الدنيا والاشعار والناس
ان مربي زوله وخلق الله شهود=غضيت طرفي كن بالشوف الارماس
ودنقت راسي بين حاضرومفقود=وكتمت في صدري براكين الانفاس
وقفت نا وياه في درب مسدود=واقفى وخلاني على شرفة الياس
وحفظت ماله من مواثيق وعهود=ون كان يحفظ مامضى لي فلاباس
ادري خسرته والسبب حظ مقرود=وناس على درب التفاريق بلاس
خذوه من قلبي وخلو له لهود=وعودت ضامي والمعاليق يباس
اكتب من الاشعارمن دون مرود=رسايل ن عنونتها بجرح الافلاس
واسلى بذكره لو حواليني حشود=واشوف ماغيره من الناس جلاس
واطيافه الى تسكن الموق ياسعود=عيني لها قصرن والاجفان حراس
مانساه دام القلب بشعاره يجود=ويسوق له من ضامي افكاري احساس

يـشـوفــنــي فـــــــي عــيــنـــه ازهـــــــاروورود

واشـــوفـــه الــدنــيــا والاشـــعــــار والـــنــــاس








الله عليك يا ام فيصل


بيت كتب للشعر وللحب وللصدق


القصيده كلها رائعه ولكن شدني هذا البيت بصفاءه ونقاء الأجواء التي كتبت فيه


فها هو يراك كالأزهار والورود


وانتي ترينه الدنيا والأشعار والناس أجمع



وكأن حالك يقول أعطني شيئا وأعطيك ألف شئ

إن كنت تراني فأنا أراك أكثر


تجسيد لحاله عامه




هكذا هو الحب المعتق برائحه الصدق




كوني بخير أم فيصل لنقرأ الشعر بكامل تفاصيله





تقديري لك ولحسك

المشاركة الأصلية كتبت بواسطة سراب نجد (المشاركة 396362) الله الله عليك ام فيصل صح والله السانك ملايين وفيتي وكفيتي الشعر معنى ومفردات وبلاغه شعريه وكل عام وأنتي بخير ومن العايدين بعد الزحمه لك مني جزيل الشكر والتقدير