°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - فناجيل صبري (http://www.weelan.com/vb/showthread.php?t=23780)

فناجيل صبري

السلام عليكم ورحمة الله وبركاته

بعد الغياب أعود إليكم بـ هذه المتواضعه

http://www.youtube.com/watch?v=57qtqtTF2W0

توشح الخوف وأسر بليل كذباتك
وتحزّم بغلطتي وأهرب من يديا

واستعذب البعد لو هو مر بشفاتك
واضحك على مرايتك بأعذار وهميه

لملم شناط الهوى مع تالي أبياتك
اللي نهار أمس كنت تقولها ليا

الشوق للبرد واضح من عباراتك
وأرض الدفا مابقت عندك ضروريه

فجر مواهبك فيني و إنتصاراتك
وأشرب فناجيل صبري كل عصريه

رح وين ماوجهت رجلك مساراتك
وأقطع حبال الوصال وحرّم الجيه

تلحف بليل غيري وشب شمعاتك
اللي معي من قبل عامين مطفيه

إشر الوهم والخيال وبيع زفراتك
لوسادة الغدر واقض الوقت في فيه

وإطلق عنان الغياب و غط بسباتك
وأحلم مثل ماتبي بأحلام ورديه

وإن شفت طيفي ظهر لك في محطاتك
ضم الرموش لبعضها بكل حنيه

والله معاك وتمتع في ملذاتك
ياللي على صاحبك ماعندك حميه

لا دندن الشوق بإذنك اذكر سواتك
و لاتتعب خطاك يمي ماني هنيا

لو كنت أحاسبك ماهي شوي زلاتك
اعدّي اللي يجي منك بعفويه

اناادري ان الغياب يتعب وفاتك
ويضيق صدورنا لو هي شماليه

لكن وربك فلا استجدي عطافاتك
ماني على اللي يقفي راعي شفيّا

رد: فناجيل صبري

قمة الابداع والروعه

صح لسانك واعتلا شانك على هذا الابداع

وتقبل خالص التحايا

رد: فناجيل صبري

حينما يكون الحضور بعد الغياب كهذا الحضور .. فأننا حتما سنقبل العذر

انها رائعه ياجميل وانت شاعر كبير لاشك

جميل السويلمي صح لسانك وشكرا لك على هذه القصيده التي سمحت لنا بمتابعتها عير صفحات ويلان واعطيتنا المتعه والفائده

لله درك وارفع عقالي احتراما لهذا النص وكاتبه

استمر فأنت مبدع لاشك .

رد: فناجيل صبري

ياسلام عليك ياجميل

كل شيء في هذه الصفحه جميل ...

القصيده وشاعرها

هي جميله بمفرداتها ومعانيها وانت جميل بشعرك وجزالتك

جميل السويلمي .. صح لسانك

رد: فناجيل صبري

الشاعر الكبير جميل السويلمي

اهلا بك في ملتقى النخبه ومادام لديك مثل هذا الرصيد الشعري فلا تبخل علينا به وهذا من حقنا عليك

لايكتب هذه القصيده الا شاعر بالفطره ولديه قدره على الابداع بكل حالاته

صح لسانك ياجميل

رد: فناجيل صبري

الشاعر جميل السويلمي
قصيده جزله من جزل
تقبل مروري
الله يحفظك

رد: فناجيل صبري

جميل السويلمي
ابداع وصح السانك
دمت بخير