حلمي كما طفل تعودعلى البين=اهدت له الايام فرحه خجوله
له في الهوى قصة عذاب وعناوين=وحلم بعيدعاجز انه يطوله
طفل عرف يرسم من الحب قلبين=ويعبر برسمه ولو مايقوله
ويحط وسط القلب سهم وجرحين=ويعيش باحلامه براءة طفوله
سلام ياحلم تساوى مع الطين=يوم الاوادم بالعيون افطنو له

يوم لاح البعدوالحرمان لاح=مابقى بالعمر كثرالي مضى
قلبي الي من بعادك ماستراح=راضي بالي عليه الله قضى
صارمثل الطيرمكسورالجناح=من عقب ماهوله الغيمه فضى
اعتبرني يوم عدى بك وراح=واعتبرك العمريوم انه قضى

عرفت من وقتي اعالج طعوني=واصد ماكني للالام قاسيت
واخفي دموعي في محاجرعيوني=واصبر ونا بغيرالولي ماتهقويت
واعيش بين الناس لومايبوني=وادمح خطازلاتهم لوتعنيت
واعيش بدنيا محسن ظنوني=وليمن هرج لي حاسد عنه صديت

خلاص لاترجع ترى خاطري طاب=ولى خضا رالقلب واقفى ربيعه
عنك اغتنيت وشمت عن كل الاحباب=من يوم ماعلنت الهجروالقطيعه
اخلصت لك ماكنت بالحب مرتاب=والي عذلني عنك ماكنت اطيعه
اعميت عيني ونت خاين وكذاب=هجرك بليا اساب ذل وهزيعه
كنت اتمنى جيتك والامل ذاب=تقول حبك يالغلا مابيعه
لاكن تركت القلب مدمي ومنصاب=واخلفت وعدك يوم سري تذيعه
جزى وفايه منك اعذار وغياب=وجزى غلايه لك فعول شنيعه
لا مارضيت الغدر من بدالاقراب=وشلون ابرضى معك اعيش الخديعه
واليوم روح لاتبدي لي اسباب=تبطي ولاتنهان نفس رفيعه

المشاركة الأصلية كتبت بواسطة سراب نجد (المشاركة 389604) ام فيصل صح السانك ملايين وما يكفون أبداع أكثر من رائع بارك الله فيك وسلمت أناملك والله يعطيك العافيه تشرفت في مروري على متصفحك الرائع لك شكري وتقديري

المشاركة الأصلية كتبت بواسطة صالح الأسود الجعفري (المشاركة 389646) ام فيصل سلمت يداك وصح السانك اختي دمتي بخير